Энэ удаагийн “Хөтөч” булангаараа хүүхдэдээ амттай, тэжээллэг хоол хийж өгөхөд туслах юүтүб суваг, вебсайтуудыг танилцуулж байна.
Хоол хийж сурахад хамгийн тохиромжтой эх сурвалж бол юүтүб суваг юм. Учир нь хоолны жорыг хараад хийх нэг өөр, дагаад хийх нэг өөр. Хоолонд хэрэглэгдэж буй орц найрлага, процессыг даган дуурайж хийх учраас илүү олон давуу талтай.
Юүтүб сувгууд
Хэрэв хүүхдэдээ амттай, зөөлөн кейкс, жигнэмэг зэргийг хийж өгөхийг хүсвэл энэхүү сувгийг дагах боломжтой. Энэхүү сувгийн дийлэнх жор нь капкекс, кекс хийхэд чиглэсэн байна. Мөн дагаж хийхэд хялбар байдлыг чухалчилсан бичлэгүүдийг байршуулдаг. 2013 оноос хойш хоолны жороор баяжигдаж яваа энэхүү сувагт долоо хоног тутамд нэг шинэ бичлэг ордог.
Энэхүү сувагт ихэвчлэн бага насны хүүхдэд зориулагдсан бантан, зутан гэх мэт хоолны жорууд бий. Нас насны ангиллаар байх тул хүүхдийнхээ насанд тохирсон шим тэжээлээр баялаг хоолыг хийж өгөх боломжтой. Тухайлбал хэдэн сартай хүүхдэд ямар төрлийн нухаш хийж өгвөл зохимжтойг эндээс мэдэж аваарай.
Энэхүү суваг нь хүүхэд, гэр бүлд зориулан эрүүл хооллолтын жоруудыг хүргэдэг. Энгийн зууш бэлтгэхээс гадна хоол хийх процессыг илүү дэлгэрэнгүй харуулдаг. 2014 оноос хойш амттай, тэжээллэг хоолны жоруудыг хүргэж буй энэхүү сувагт улиралдаа хоёр шинэ бичлэг ордог аж.
GKFooddiary
Бага насны хүүхдэдээ амттай, тэжээллэг хоол хийж өгөхийг хүсвэл энэхүү сувгийг дагаарай. Нухаш, зутан шөлнөөс эхлээд маш олон төрлийн хоолны жор бий.
Tiffin Box
Энэхүү сувагт төрөл бүрийн тэжээллэг хоолны жор бий. Мөн амттан, зууш бэлтгэх жорууд ч бий. Тус сувагт долоо хоног тутамд 2-3 шинэ бичлэг ордог.
Веб сайт, блогууд
2015 оноос хойш хоол хийх жор, зөвлөгөө мэдээллийг хүргэж буй энэхүү сайт нь хүүхдэд зориулсан төрөл бүрийн тэжээллэг хоолны жоруудыг хүргэдэг. Энэхүү сайт нь мөн өөрийн гэсэн юүтүб сувагтай.
Энд буй хоолны жорууд ихэвчлэн бага насны хүүхэд, хэлд, хөлд орж буй балчруудад зориулагдсан. Хоолны жор болон процессийг харуулсан зургийг дагаад хийх боломжтой.
Энд 4-6 сар, 6-9 сар, 9-12 сартай хүүхдүүд, хэлд орж буй хүүхэд, сургуулийн өмнөх насны хүүхэд, гэр бүлийн хооллолт гэх мэт цэсүүд бий. Эндээс хүссэн жороо сонгон амттай, тэжээллэг хоол хийх боломжтой.
Хүүхдэд зориулсан өглөөний цай, хөнгөн зууш, гэр бүлийн хоол, шош, будаа, сендвич гээд төрөл бүрийн цэснээс өөрт таалагдсан тэжээллэг хоолны жорыг авах боломжтой. Энэхүү сайт нь мөн өөрийн гэсэн юүтүб сувагтай.