Энэ удаагийн “Хөтөч” булангаараа Солонгос хэл сурахад туслах юүтүб сувгуудын мэдээллийг хүргэж байна. Хэрэв та Солонгос хэл сурахаар шийдсэн бол эдгээр сувгаар зочлоод үзээрэй.
1. MasterTOPIK
MasterTOPIK нь Солонгос хэл сурч байгаа, ялангуяа TOPIK шалгалтад (Солонгос хэлний түвшин тогтоох шалгалт) бэлдэж байгаа хүмүүст нэн тохиромжтой суваг юм. Энэхүү суваг нь шалгалтад анхаарах хэрэгтэй дүрмийн болон үгсийн сангийн талаар тайлбарлаж өгдөг.
2. Seemile Korean
Cолонгос хэлийг эхнээс нь сурах гэж байгаа хүмүүс энэ сувгийг сонирхож үзээрэй. Энэ суваг нь анхан шатнаас эхлээд дунд шат хүртэлх бүх хичээлийг заадаг байна.
3. Conversational Korean
Та Солонгосоор ярих чадвараа хөгжүүлье гэж бодож байвал энэхүү сувгаар зочлоорой. Богино хэрнээ сонирхолтой видеонуудыг үзэж энгийн харилцан ярианаас сураарай.
4. Korean Unnie
Солонгос охин Moon So Hyun танд практикт хэрэгжүүлж болох хичээлүүдийг заах болно. Түүний бичлэгүүд сонирхолтой, хөгжилтэй байдаг.
5. SweetandtastyTV
Энэ нь анхлан Солонгос хэл сурч байгаа хүмүүст тохиромжтой суваг юм. SweetandtastyTV Солонгос хэл, соёлын талаар олон сонирхолтой видео нийтэлдэг.
6. KoreanClass101.com
Korean Class 101 суваг нь өдөр тутмын амьдралд хэрэглэгддэг харилцан яриа, асуулт хариулт бүхий видеог байршуулдаг.
7. Talk To Me In Korean
Энэ бол 5 найзын үүсгэн байгуулсан маш сонирхолтой юүтүб суваг юм. Тэд Солонгос хэлийг практикт хэрхэн ашиглах талаар сонирхолтой хичээл заадаг.
Эх сурвалж: expatguidekorea