LOADING

Type to search

Фото түүх: “Дуулиант 18 нас”-ын дэггүй охин Хан Жи Хэ

Share

Жүжигчин Хан Жи Хэ “Дуулиант 18 нас” цувралын дүрээрээ олны танил болсон билээ. Түүний фото түүхийг сонирхуулж байна.

Тэрбээр 1984 оны зургадугаар сарын 29-нд мэндэлжээ. Түүний жинхэнэ нэр нь И Жи Хэ. Харин ахмад жүжигчинтэй ижил нэртэй тул үзэгчдийн дунд төөргөдөл үүсгэхгүйн тулд Хан Жи Хэ нэртэй болжээ.

Анх загвар өмсөгчөөр энтертайнмент салбарт хөл тавьсан бол кино урлагт анхны гараагаа “Summer Scent” цувралаар эхлүүлжээ.

Үүний дараа “Дуулиант 18 нас” цувралд гол дүрийг бүтээснээрээ олонд танигдаж эхлэв.

Үүнээс хойш бүтээсэн дүрүүд нь төдийлөн олны анхаарлыг татаагүй ч 2007 оны “Likeable or Not” драмд бүтээсэн дүрээрээ ихээхэн нэр хүндийг олж, тус цуврал 2000 оноос хойшхи хамгийн өндөр үнэлгээ бүхий цувралаар шалгарч байжээ.

2008 онд “East Eden” хэмээх цувралд тоглож, жүжигчний ур чадвараа хэрхэн ахисныг харуулсан.

2008 онд Леон Жей Уильямстай хамтран Олимпын сэдэвт “Friends” дууны солонгос, хятад хувилбарыг дуулжээ. Ийнхүү Хятадын Олимпын хорооны саналаар түүний дуулсан дуу 2008 оны Бээжингийн паралимп, 2010 оны Шанхайн экспогийн талбарт эгшиглэжээ. Жил хүрэхгүй хугацааны дараа тэрээр дижитал сингл уран бүтээл болох “Luv Luv” электро поп урсгалын дуугаа цацжээ.

Үүний дараа Италийн Флоренц хотноо гутал загварын чиглэлээр суралцаж, гутал загварын Jinny Kim брендтэй хамтарснаар “H by Jinny Kim” нэртэй өөрийн гэсэн загварыг гаргаж, үйлдвэрлэжээ.

2011 онд “The Duo” хэмээх цувралд тогложээ. Мөн “Төгөлдөр хуурч” хэмээх цувралд тоглосон.

2012 онд “May Queen” цувралд тогложээ.

Харин 2013 онд “Pots of Gold” цувралд тоглосон байна. Үүний дараа “The Full Sun”, “4 Legendary Witches” зэрэг цувралуудад тоглосон.

2016 оноос “KeyEast” менежментийн агентлагт элсжээ. Харин 2018 онд “Marry Me Now” цуувралд тоглосон аж.

Хамгийн сүүлд тоглосон цуврал нь “The Golden Garden” юм.

Тэрээр 2010 онд Jung Hyuk-joon прокурортой Хавайд хуримлажээ. Тэрээр нөхөртэйгээ сохор болзоогоор танилцсан гэдэг бөгөөд “Жүжигчид сохор болзоонд явах нь ховор ч би эгчийнхээ зөвлөснөөр сохор болзоонд явахаар шийсэн. Тэрээр надад зөвхөн  хуульчийн мэргэжлийн шалгалтанд тэнцсэн, Пёнчанд байшинтай гэсэн мэдээлэл л өгсөн. Уулзаад үзтэл татагдаж эхэлсэн. Жил гаран үерхээд хуримаа хийсэн” хэмээжээ. Хосууд нэг хэсэгтээ Чикагод амьдардаг байж.

Тэрээр өнгөрөгч оны 12-р сарын 31-ны өдөр жирэмсэн болсон, энэ оны зун төрөх тухайгаа цахим хуудсаараа дамжуулан мэдээлжээ.

error: Content is protected !!