No menu items!
HomeСэтгэлзүйн эрүүл мэндЗүрхээ сонсЗүрхээ сонс #24: Хүүхдүүд хөл хорионд байгаа учир сэтгэл санааны байдал нь...

Зүрхээ сонс #24: Хүүхдүүд хөл хорионд байгаа учир сэтгэл санааны байдал нь өөрчлөгдөж байна

-

“Ногоон Бөмбөлөг” сэтгэл зүйн төвөөс эрхлэн гаргадаг “Зүрхээ Сонс” подкастыг та бүхэндээ албан ёсны эрхтэйгээр хүргэж байна. Энэ удаагийн дугаарт хөл хориог эерэг байдлаар даван туулах аргуудын талаар ярилцлаа.

Подкастыг сонсох:

https://soundcloud.com/zurheesons/zrkhee-sons-24-covid19-iyn-eer-khkhed-ba-ger-bleeree-erleer-davan-tuulakh-arguud

Хөл хорионы үеэр хүүхдээ хэрхэн анхаарах вэ?

Нийгмийн харилцаа нь хүүхдүүдийг тодорхой хэмжээнд стрессээс ангижруулж байдаг. Гэтэл тэр идэвхтэй үйлдлүүд хязгаарлагдаад ирэхээр хүүхдүүд маш их стресст өртөж байгаа юм. Мэдээж стрессс нь хүүхдийн насны онцлогоос хамаараад ялгаатай байдаг. Мөн ковидтой холбоотой мэдээллүүдийн  ихэнх нь насанд хүрсэн хүмүүст зориулагдсан байна. Тэгэхээр хүүхдийн сонсож байгаа мэдээлэл амаар дамжин, очиж байгаа учраас агуулга нь гуйвж байдаг. Тиймээс хүүхдэд тохирсон хэллэгээр мэдээлэл өгөх хэрэгтэй.

Хэдий хөл хориотой байгаа ч гэсэн зарим нь ажил албандаа явж байгаа. Магадгүй ажлын ачааллаасаа болоод байнга гэртээ байгаа хүүхдээ төдийлөн сайн анзаарахгүй байх талтай. Хүүхдүүд хөл хорионд байгаа учир сэтгэл санааны байдал нь өөрчлөгдөж байна. Тэдэнд тоглох, гүйх орон зай дутагдаж эхэлсэн. Гэтэл насанд хүрсэн хүмүүст хүүхдийн хөдөлгөөн нь түвэгтэй, хэт шуугиантай санагдсанаар, хүүхдийн хөдөлгөөн, үйлдлүүдийг хянаж, хязгаарлах гээд байна.

Хэдий та ажилтай, ядарсан байлаа ч хүүхдэд гүйх, тоглох хэрэгцээ нь байгаа юм шүү гэдгийг мартаж болохгүй. Хүүхдийн хөгжлийн хамгийн чухал хэсэг нь хөдөлгөөн шүү дээ. Бие махбод хичнээн сайн хөдөлнө тэр чинээгээр хүүхдийн оюун санаа, сэтгэл зүй тогтвортой байна.

Хүүхэдтэйгээ ярилцаарай

Хэрэв таны хүүхэд айдас түгшүүртэй байвал тайвнаар ярилцах хэрэгтэй. Хүн болгон ковид-19-өөс  урьдчилан сэргийлж, бие биенээ хамгаалахын тулд ийм байдалд байгаа шүү гэдгийг насны онцлогт нь тохируулан хэлээрэй. Мөн эцэг эхчүүд ямар ч тохиолдолд хүүхдийг шүүмжгүйгээр сонсох хэрэгтэй. Түүнчлэн тоглоомоор дамжуулан хүүхдийн айдсыг гадагшлуулах боломжтой байдаг юм шүү.

Мэдээж хэрэг, хөл хорионы үеэр орлого нь багасгах гэх мэт олон дарамтууд ч гэсэн насан хүрэгчдэд ирж байгаа. Түүнийгээ та өөртэйгөө ярилцаж байж даван туулна. Хэрэв та энэ цаг үеийг эрүүлээр даван туулахыг хүсч байгаа бол эхлээд өөртөө анхаарал тавиарай.

Насанд хүрсэн хүмүүс өөрсдийгөө хэрхэн тайван байлгах вэ?

Ковид-19 бүх хүний сэтгэлийг тодорхой хэмжээгээр түгшээж байгаа. Үүний хажуугаар бизнесийн зогсонги байдал, санхүүгийн дарамт, орлогын бууралт гэх мэт асуудлууд нь дахиад нэг санаа зовоох шалтгаан болж байна. Тэгэхээр та энэ мэдрэмжүүдээсээ зугталгүй хүлээн зөвшөөрч, өмнөх амьдралын хэмнэлээрээ цаг үеийг даван туулахыг хичээгээрэй. Мөн булчин, бие амраах дасгалуудыг хийгээрэй гэж зөвлөе. Үүний хажуугаар хүүхэдтэйгээ ярилцаж, гэр бүлээрээ цагийг өнгөрүүлж, агаарт гарах хэрэгтэй. Агаарт гарах нь түр ч гэсэн  чөлөөтэй байдлыг мэдрүүлдэг.

Хүн тодорхой биш зүйлээс болоод айдаст, түгшүүрт автдаг. Ковид-19 хэзээ дуусах нь тодорхойгүй байгаа учраас бид түгшүүртэй байгаа. Засгийн газар ч гэсэн төлөвлөсөн зүйл байхгүй, бүгд л айдастай байна шүү дээ. Харин хувь хүн бид үүнийг эрүүлээр даван туулахын тулд өөрийн гэсэн тогтсон хэв маягтай байх хэрэгтэй. Мөн өдөр бүр хувцсаа сольж, эерэг контент үзэж, хоббигоо хөгжүүлээрэй гэж хэлье. Гэр бүлийн ажилд гишүүдийг эрх тэгш оролцуулж чадвал бид нэгдэж чадна. Хэрэв таны ойр дотнынхон хол байдаг бол видео дуудлага хийж, ярилцаарай. Нийгмийн харилцаагаа бүү багасгаарай гэж хэлье.

Эх сурвалж: “Зүрхээ сонс” подкаст

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд