Хэрэв та халуун ногоонд дуртай бол үүнийг уншихад илүүдэхгүй. Халуун ногоо их хэмжээгээр, байнга хэрэглэснээр улаан хоолой, ходоод, хоол боловсруулах эрхтэнд муугаар нөлөөлдөг байна. Мөн цаашлаад улаан хоолой ходоодны шарх, хавдрын ч шалтгаан болж болзошгүй.
Хэрэв та ходоод, улаан хоолойн улайлт, шархлаа, үрэвсэл, сөөргөө өвчтэй бол халуун ногоо өвчнийг улам хүндрүүлнэ гэдгийг санаарай. Энэ нь цээж хорсох, гэдэс дүүрч, цанхайх, ходоод гэдэсний хямрал, амнаас эвгүй үнэр гарах бүр цаашлаад улаан хоолойн үрэвслийг өдөөж хоолой өвдөх, сөөнгө болох эрсдэлүүдийг бий болгоно.
Халуун ногоотой хоол нь зөвхөн ходоод, хоол боловсруулах эрхтэнд нөлөөлөөд зогсдоггүй. Жишээ нь халуун ногоотой хоол идэхэд хөлс гоожиж, бие халуу оргиулдаг. Хөлөрснөөс болж арьсны тослог ялгарч батга, экзем гарах нь бий.
Тэгвэл халуун ногоонд сайн тал бий болов уу?
Улаан чинжүүнд капсайцин хэмээх бодис мөн С витамин агуулагддаг бөгөөд “муу” холестрин агуулдаггүй. Капсайцин хэмээх энэ бодис нь хүний биеийн бодисын солилцоог идэвхжүүлж, илчлэгийг шатааж, жин хасахад сайн нөлөө үзүүлдэг. Тиймээс халуун ногоогоо өөртөө тохируулан хэрэглэхийг зөвлөж байна.
Эх сурвалж: healthdigest
