No menu items!
HomeЗөвлөгөөШүдний өнгөр, чулуу арилгах байгалийн аргууд

Шүдний өнгөр, чулуу арилгах байгалийн аргууд

-

Шүдний өнгөр, чулуу нь буйлны үрэвсэл үүсгэхээс гадна таны гоо сайханд ч нөлөөлнө. Амны хөндийн эрүүл ахуйг сахихгүй байснаар шүд шарлаж, амнаас эвгүй үнэр гардаг. Тиймээс дараах аргуудыг ашиглан эдгээр асуудлаас ангижирч, эрүүл, яралзсан цагаан шүдтэй болох боломжтой.

Хүнсний сода, давс

Энэхүү арга нь энгийн бөгөөд үр дүнтэй. Хүнсний сода нь бактерийн эсрэг үйлчилгээтэй төдийгүй шүдийг цайруулдаг.

1 халбага содыг бага зэргийн давстай хольж, сойзон дээрээ түрхэнэ. Дэрээс нь шүдний оо нэмж түрхээд угаагаарай. Шүдний паалан гэмтэх аюултай тул долоо хоногт нэгээс илүү удаа содаар шүдээ угааж болохгүй.

Жүржийн хальс

Цитрусын төрлийн жимс нь хүчиллэг тул шүдний өнгөр, толбыг арилгана. Жүржийн хальсаар шүдээ 2-3 минут үрэх эсвэл шүдэндээ наан байрлуулж болно. Алийг нь ч сонгосон бай дараа нь амаа бүлээн усаар зайлж угаана. Энэ аргыг долоо хоногт хэд хэдэн удаа давтаарай.

Нимбэгний шүүс

Илүү үр дүнд хүрэхийн тулд нимбэгний шүүсийг ашиглаарай. Нимбэгний хүчил нь өнгөр, чулууг уусгаж, шүдийг бага зэрэг цайруулдаг гэнэ. Шүдний сойзоо шинэхэн нимбэгний шүүсэнд дүрээд, шүдэндээ түрх. Нэг минут орчим байлгаад угаагаарай. Гэхдээ энэ аргыг байнга ашиглах нь шүдийг элэгдэлд оруулдаг гэдгийг анхаарах хэрэгтэй.  

Гүнжидийн үр

Гүнжидийн үр нь байгалийн гаралтай гуужуулагч бөгөөд шүдийг өнгөлж, цэвэрлэх үйлчилгээтэй.  Нэг халбага үрийг амандаа хийгээд сайтар зажилна. Зажилсан үрээ залгихгүй. Хуурай сойзоороо сайтар үрж угаагаарай. Үүнийг долоо хоногт хоёр удаа хийнэ.

Кокосын тос

Наргил модны самрын тос нь бохирдлыг шингээдэг бөгөөд амны хөндий дэх бактерийн эсрэг үйлчилгээтэй. 1-2 халбага тосоор 10-15 минутын турш амаа зайлж, дараа нь бүлээн усаар амаа сайтар зайлаарай.

Гүзээлзгэнэ, улаан лооль

Улаан лооль, гүзээлзгэнэ хоёулаа С аминдэмээр баялаг. Нийлүүлж холиод шүдэндээ түрхэнэ. 5 минут байлгасны дараа амаа зайлж угаана.

Зуун наст болон глицерины холимог

1 халбага зуун настын гель, 4 халбага ургамлын глицерин, 10 дусал нимбэгтэй эфирийн тос , 4 халбага содыг 1 аяга усанд хийж холино. Энэхүү хольцоор өдөрт нэг удаа угаана. Шүдний өнгөр чулуу багасч байгааг анзаарсан бол 3-4 хоногт нэг удаа угаана. Зуун настын гель нь шүд, буйлыг эдгээж, нимбэгтэй эфирийн тос бактерийг устгана.

Башир цэцэг

Энэхүү амт оруулагч башир цэцгийг эрт үеэс шүдний өвчин намдаах эм болгон ашиглаж ирсэн. Энэ нь амны хөндийн бактерийн устгадаг. Үүнийг нунтаглаж (эсвэл бэлэн нунтгийг авах) бага зэрэг оливийн тос нэмээд өнгөр, чулуутай хэсэгт түрхээрэй. Өөр нэг арга нь амны эвгүй үнэрийг намдааж, бактерийг устгахын тулд үүнийг зажлах юм. Бохьны оронд зажилж үзээрэй.

Ус төрөгчийн хэт исэл ба ам зайлагч

1 халбага ам зайлагчийг 3 халбага бүхий 3 хувийн устөрөгчийн хэт ислийн уулмалтай хольж 1-2 минутын турш  амаа зайлаарай. Дуусаад цэвэр усаар амаа сайтар зайлах хэрэгтэй.

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд