No menu items!
HomeUncategorizedАлдартай сэтгэл зүйчийн нэрлэсэн АЗ ЖАРГАЛТАЙ хүний 10 дүрэм

Алдартай сэтгэл зүйчийн нэрлэсэн АЗ ЖАРГАЛТАЙ хүний 10 дүрэм

-

Сөрөг, явцуу сэтгэлгээ нь биднийг аз жаргалтай амьдрах боломжоос хумсалсаар байдаг. Энэхүү хаалттай тойргийг таслахын тулд олон хүмүүс шинжлэх ухааны, уран зохиолын, шашны гээд төрөл бүрийн ном уншдаг. Алдарт сэтгэцийн эмч Михаил Ефимович Литвак биднийг аз жаргалгүй болгодог хамгийн түгээмэл саад бэрхшээлүүдийг дүрсэлжээ. Та чөлөөт цагаараа дараах зйүлсийн талаар тунгаан бодоорой.

10. Аз жаргал бол зөв зохион байгуулалттай амьдралын “дайвар нөлөө” юм.

Сэтгэцийн эмч Виктор Франклийн хэлсэнчлэн аз жаргал, баяр баясгалан, амжилт нь зөвхөн зохион байгуулалттай амьдралын үр дагавар юм. Та эдгээр мэдрэмж, төлөв байдлыг бий болгохын тулд түүнд хүрэх бодитой зүйлийг хийх ёстой. Эдгээр “дайвар нөлөөнд” хүрэхийг зорьсон хүмүүс юу ч хийлгүйгээр хүрэх боломжгүй.

9. Хүнтэй ярилцахдаа тэд ч тантай адил өөрсдийгөө өндрөөр үнэлдэг гэдгийг сана.

Таны ярилцаж байгаа хүн өөрийн гэсэн үзэл бодолтой. Тийм үзэл бодол, итгэл үнэмшил бий болоход нөлөөлсөн хүчин зүйлс, шалтгаан ч бий гэдгийг мартаж болохгүй. Тиймээс харилцаж буй хүнээ хүндлэх хэрэгтэй. Адилхан хүн учир. Таны уулзсан хүн болгон мэдэхгүй зүйлээ мэдэхийн төлөө тэмцэж яваа.

8. Хэрэв та өөрөө хичээхгүй л бол хэн танд туслана гэж…????  

Үг хэлэх нэг өөр. Гэтэл хүн бүр ярьсан шигээ байдаггүй. Хүн зөвхөн үйлдлээрээ л тодорхойлогддог. Хэрэв та зүгээр л хийнэ, тэгнэ, ингэнэ гэж хэлээд яваад байвал танд хэн ч туслахгүй. Таны хийж эхлээгүй процесст хэн туслах вэ?  Тухайлбал, та нэг ном бичихээр шийдсэн гэж бодоё. Тэгвэл та үүнийгээ бодоод л явах нэг өөр. Харин тодорхой хэмжээнд ажлаа эхлүүлээд редакторт хуулбарыг нь аваачвал танд туслах, дэмжихэд бэлэн хүмүүсийг олж болно. Таны ажил бодит зүйл байх тул хийсэн үйлдэл, хичээсэн хөдөлмөр бүрийн чинь ард таныг дэмжих боломж үргэлж гарч ирнэ.

7. Дуртай зүйлээ хийж амжилтанд хүрээрэй.

Өөртөө сэтгэл хангалуун бус байдал нь бусдад өширхөх үндэс болдог. Михаил Литвакийн шавь нэгэнтээ “Миний амжилт миний өширхлийг давсан” гэж хэлж байсан. Дуртай зүйлээ хийж, түүндээ амжилт гаргаарай. Та бусдад буруу зөрүү санах тэр мөчийг анзаарахгүй байх болно.

6. Та хамгийн том дайснаа харахыг хүсч байна уу? Толинд хар!

Таны дайсан бол зөвхөн та өөрөө!  Өсөх, хөгжих боломжийг олгодоггүй саад бэрхшээлийг сөрж зогсолгүйгээр байгаа байдлаасаа гарч чадахгүй.

Үндсэндээ бид бага наснаасаа олж авсан боловсрол, нийгмийг бий болгосон маш хатуу хил хязгаар дотор оршин тогтнодог. Бид эдгээр дүрмийг энгийн зүйл гэж үздэг, итгэдэг боловч заримдаа маш их эрч хүчээ алдсаар байдаг. Орчин үеийн сэтгэл судлалын аргууд үүнтэй тэмцэх замыг эрэлхийлж байна. Заримдаа бид өөрсөдтэйгөө тэмцэх гэж сэтгэл зүйн дарамтанд ордог. Гэхдээ ихэнх тохиолдолд бид тэмцэж байгаагаа анзаардаггүй. Эцэст нь өөртөйгөө нүүр тулан уулзахад бэлэн болсон цагт танд өөр дайсан үгүйг мэдэх болно.

5. Шулуун замын оронд саадтай ч гэсэн зөв замыг хайж олох.

Та 30 давхраас доошоо буух хэрэгтэй гэж төсөөлөөд үзье. Мэдээж хамгийн хурдан арга бол цонхоор гарах.  Барилга тэр чигтээ харанхуй, дотроос нь юм олоход хэцүү байсан ч гэсэн цахилгаан шат, ядаж л шат хайх нь илүү ухаалаг сонголт байх болно. Шулуун зам хурдан боловч…

4. Хүн зорилгогүй үедээ юуг ч олж хардаггүй. Зорилго нь алсын харааг хурцалдаг.

Жишээлбэл, эмээгийнхээ цэцэрлэгт зориулж ямар нэгэн зүйл худалдаж авах шаардлагатай бол та энэ зүйлийг хаа явсан газраа санаж, орчин тойрноо анзаарч эхэлнэ. Тухайн зүйл танд хэрэггүй болсон ч гэсэн та үүнийг хайж байгаагаа ухаарна. Энэ нь таны зорилгод ч мөн адил хамаарна. Таны анхаарал хязгаарлагдмал бөгөөд зөвхөн өөрт хэрэгтэй зүйлээ л анзаарч болно. Зорилго нь яг л хяналтын камер шиг. Хэрэв буруу тохируулсан бол өөрт үнэхээр хэрэгтэй зүйлээ олж харахгүй байхтай адил.

3. Хэрэв та хэн нэгэнд ямар нэг зүйлийг нотлохыг хүсч байвал тэр хүний ​​төлөө амьдарч байна гэсэн үг.

Хэрэв та аз жаргалтай байхыг хүсч байвал өөрийнхөө зөв гэдгээ батлах гэж үргэлж хичээхээ боль. Аливаа нотолгооны мөн чанарыг эргэцүүлэн бодоорой. Энэ бол ямар нэг зүйлийн талаар хэн нэгний санаа бодлыг өөрчлөх оролдлого юм. Гэхдээ яагаад ийм зүйл танд хэрэгтэй байгаа юм бэ? Та үүнийг өөрчлөхийн тулд хүчин чармайлт гаргаж байгаатай адил тэдний өөрсдийн санал бодол хамаагүй илүү чухал юм. Хэрэв та өөрийнхөө төлөө амьдардаг бол хэн нэгэнд ямар нэгэн зүйлийг нотлох гэж хичээх нь утгагүй юм.

2. Ганцаардлыг хайрлаж, хүлээн зөвшөөрөх чадвар нь сэтгэл хөдлөлийн хувьд төлөвшсөн хүний ​​шинж тэмдэг юм.

Бидэнд ганцаараа байх орон  зай, цаг хугацаа хэрэгтэй. Өөрсдийгөө үзэн яддаг хүмүүс л ганцаараа байхыг тэвчиж чаддаггүй. Тэд илүү сайн сайхан мэдрэмж төрүүлэх болно гэж хэсэг хүмүүстэй нэгдэхийг хичээдэг. Сэтгэцийн хувьд төлөвшсөн хүн өөрийгөө хөгжүүлэх, бусад хүмүүстэй дараа нь хуваалцах мэдээлэл цуглуулахын тулд ганцаараа байх цаг хугацааг ашигладаг. Аливаа харилцааны чухал хэсэг нь зөвхөн авахаас гадна бусдад өгөх явдал юм.

1. Аз жаргал гэдэг нь таны ХҮССЭН, БОЛОМЖТОЙ, ЗААВАЛ хийх ёстой зүйлийн давхацлын үед үед бий болдог.

Хүмүүс эдгээр гурван зүйлээс болж шантардаг. Заавал байх ёстой, гэхдээ хүсэхгүй байна. Хүсч байна, гэхдээ чадахгүй байна гэх мэт. Хүний хийх ёстой цорын ганц зүйл бол өөрийгөө хөгжүүлэх явдал юм. Бусад нь нэмэлт зүйлс. Таны хийхийг хүсч буй зүйлүүд өөрийгөө хөгжүүлэх гэх мэт хийх ёстой зүйлсээр зохицуулагдах ёстой. Таны хийж чадах зүйл бол бүхий л системийг хөдөлгөх хүч юм. Михаил Литвак зорилго, үнэт зүйлээ зөв эрэмбэлэхийн тулд эдгээр 3 чиглэлд үндэслэсэн зүйлсийн жагсаалтыг гаргахыг зөвлөж байна.

Эх сурвалж: Brightside

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд