No menu items!
HomeОнцлохТалархлын эрүүл мэндэд үзүүлэх 5 ач тус

Талархлын эрүүл мэндэд үзүүлэх 5 ач тус

-

Өглөө бүрийг талархлаар угтаарай. Сэтгэл судлаачид талархал бол амьдралын даатгал гэж үздэг. Бусдад, аливаа зүйлд, өөртөө, энэ амьдралд талархаж байх хэрэгтэй. Биднийг аз жаргалгүй болгодог зүйл нь аливаа зүйл, бусдад талархахгүй байх явдал юм.

Талархал нь таны амьдралын чанар, эрүүл мэндэд амин чухал бөгөөд эерэг нөлөө нь урт хугацааны турш үргэлжлэх болно.

 Талархал нь илүү сайн унтаж амрахад тусална

Канадын Альберта дахь Грант МакЕваны Их Сургуулийн хийсэн судалгаагаар сэтгэл түгшсэн оюутнууд унтахынхаа өмнө талархаж буй зүйлсийнхээ жагсаалтыг бичих дасгалыг долоо хоногийн турш хийв. Тэд уг дасгалыг хийгээгүй оюутнуудаас илүү сайн нойртой байжээ. Үүний үр дүнд судлаачид талархдаг зүйлснийнхээ талаар бодох нь оюутнуудын сэтгэлийн түгшүүр, санаа зовнилыг багасгаж, оюун санааг нь тайвшруулсан гэж үзсэн байна.

Талархал таны хүсэл эрмэлзлийг нэмэгдүүлнэ

Харвардын Их Сургуулийн хамтарсан нэгэн туршилтаар судлаачид оролцогчдыг тодорхой сорилтын дагуу сорьжээ. Тэд оролцогчдод “яг одоо 54 доллар ав, эсвэл 30 хоногтоо 80 доллар ав” гэжээ. Мөн  шийдвэрээ гаргах хугацаандаа талархал, аз жаргал эсвэл төвийг сахисан байдал гэсэн сэдвүүдээс сонгож, түүнийхээ талаар бичихийг хүсэв. Талархалтай явдлын талаар бичсэн хүмүүс бусад хүмүүсээс илүү шагналаа хойшлуулах шийдвэртэй байсан. Эрдэмтэд талархал нь алсын харааг дэмжиж, хүсэл эрмэлзлийг бэхжүүлдэг гэсэн дүгнэлтэд хүрчээ.

Талархал нь сэтгэлийн хямралыг бууруулна

Санаа зовсон зүйлсийнхээ талаар бодож, урт жагсаалт гаргахын оронд талархах зүйлсийнхээ жагсаалтыг гаргаж үзээрэй. Сэтгүүлч Жиованни Алесиогийн хэлснээр “хэд хэдэн судалгаагаар талархлын мэдрэмж нь тархин дахь серотонин, допамин дааврыг ялгаруулдаг хэсгийг идэвхжүүлснээр стресс, сэтгэлийн түгшүүрийг бууруулдаг болохыг харуулж байна. Амар амгалан, тайван байхыг хүсвэл илүү их талархах хэрэгтэй” гэжээ.

Талархал нь таныг илүү олон найз нөхөдтэй болоход тусална

Хэрэв та нийгмийн хүрээгээ тэлэхийг хүсвэл “баярлалаа” гэсэн ганц үгийг хэлж дадаарай. 2015 оны Эмоци сэтгүүлд хэвлэгдсэн судалгаагаар шинэ танилдаа талархсанаар үргэлжлүүлэн харилцаа тогтоох магадлал өндөр гэжээ.

Талархал нь өвдөлтийг бууруулдаг

Калифорнийн Их сургуулийн профессор Роберт Эммонсын хийсэн судалгаагаар байнга бусдад, ямар нэгэн зүйлд талархаж явдаг хүмүүс ямар нэг өвчний шинж тэмдгийн талаар бага мэдээлж, өвчин зовиур багатай байжээ. Мөн өвдөлт нь талархдаггүй хүмүүстэй харьцуулахад бага.

Үүнээс үзэхэд талархал нь таны бие болон сэтгэлийн эрүүл мэндэд чухал нөлөөтэй болох нь харагдаж байна. Талархаж болох зүйлс таны эргэн тойронд их бий.

Эх сурвалж: thehealthy

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд