Инээх үед бие болоод эрүүл мэндэд олон эерэг өөрчлөлтүүд гардаг.
1. Илүү их калори шатааж эхлэх болно
Бургер, шоколаднаас авсан илчлэгийг шатаахын тулд та 15 минут инээх хэрэгтэй. Инээд нь жин хасахад туслах бөгөөд зорилгодоо хүрэхэд тань том түлхэц болно. Инээх үед хэвлийн булчингууд чангарч, сулардаг бөгөөд энэ нь дасгал хийсэнтэй тэнцдэг байна.
2. Стрессээс ангижруулна
Чангаар инээх нь таны стрессийг шууд тайлна. Энэ явцад таны зүрхний цохилт огцом нэмэгдэж, дараа нь буурдаг байна. Үр дүнд нь та тайвширч, стрессийн түвшин багасдаг ажээ. Инээд нь бидний аз жаргалыг хариуцдаг бодис ялгаруулдаг.
3. Даралт буурна
Инээд нь цусны урсгалыг нэмэгдүүлдэг. Энэ нь таныг зүрхний өвчин, зүрхний шигдээсээс хамгаалж чадна. Нэмж дурдахад, зарим хүмүүсийг инээж байх үед цусны даралт нь буурч байгааг судалгаагаар тогтоожээ.
4. Та илүү сайн амьсгалах болно
Бие организм хэвийн ажиллахад хүчилтөрөгч маш чухал гэдгийг бид мэднэ. Амьсгалаа сайжруулахын тулд инээж байгаарай. Учир нь инээх үед уушигны багтаамж сайжирч, хангалттай хүчилтөрөгч авч чаддаг байна.
5. Өвдөлтийг мартана
Хэрэв та өвдөж эсвэл таагүй мэдрэмжийг авч байвал инээхийг хичээ. Инээд бол байгалаас заяасан өвчин намдаагч юм. Энэ нь сэтгэлзүйд эерэгээр нөлөөлөх төдийгүй бие махбодийн өвдөлтийг даван туулахад чухал үүрэг гүйцэтгэдэг.
Эх сурвалж: Brightside