Стрессээс болж үс бууралтдаг нь үнэн үү? Шинэ судалгаа бидэнд хариултыг өгөх болно.
Үс бууралтана гэдэг нь үсний фолликул доторх пигмент үүсгэдэг эс /меланоцит гэж нэрлэгддэг/ багасах буюу бүрэн устаснаас болж үүсдэг физиологийн үзэгдэл юм. Эдгээр эсүүд устаж, үгүй болоход олон хүчин зүйл нөлөөлдөг ч нас ахих тусам тэдгээр нь байгалийн жамаар үгүй болдог. Улмаар үсний ширхэгүүд улам цайвар болж, үс бууралтдаг.
Стресс үс бууралтахад нөлөөлдөг үү?
Бага байхдаа та эцэг эхээсээ “чамаас болж толгойтой үс цайчихлаа” гэх мэтийн үг бишгүй л дуулсан байх.
Энэ нь стрессээс үүдэн үс бууралтахыг хэлж байгаа хэрэг. Үс бууралтах шалтгаан нь олон бөгөөд удамшил, стрессийн нөлөө, хөгшрөлт нөлөөлдөг байна. Удамшлын тухай ярихад ч цаанаа таны генэнд байгаа стрессийг даван туулах чадвартай холбоотой асуудлууд гарч ирнэ.
Стрессээс үүдэн үс бууралтдаг болохыг АНУ-ын Харвардын их сургуулийн доктор Я-Чие Хугийн удирдсан 2020 оны шинэ судалгааны үр дүн маш тодорхой харуулж байна. Судалгааны явцад хулганы биед бие махбодийн болон сэтгэлзүйн янз бүрийн стресс үүсгэн туршиж, стресс, үс бууралтах явцын уялдаа холбоог судалжээ. Судалгааны үр дүнд стресст өртсөн бүх хулганы меланоцитын эсүүд мэдэгдэхүйц алдагдаж, улмаар үс нь илт хурдан цайж эхэлжээ. Тэгэхээр үс бууралтахад нөлөөлдөг олон хүчин зүйлийн нэг нь стресс мөн болох нь тогтоогдож байна.
Үс цайхад нөлөөлдөг олон хүчин зүйлүүд байдаг байна. Үүнд: элгэнд муугаар нөлөөлдөг зүйлс, эмний хэт хэрэглээ, буруу хооллолт, нар салхины нөлөө, тэр ч байтугай цусны бүлэг хүртэл нөлөөлдөг аж.
Тиймээс та “удмын буурал даа” гэж бодож суухын оронд сэтгэл зүйн байдалдаа анхаарал тавьж стрессээ зөв удирдаж сурах хэрэгтэй. Үс маань эрт бууралтаад эхэллээ гээд стресстээд байвал үснийхээ буурлыг улам л нэмэгдүүлэх нь байна.
Эх сурвалж: yahoo
