No menu items!
HomeДасгал, хөдөлгөөнУдаан хугацаанд сууж ажилласны дараа биеийг тайвшруулах энгийн сунгалтын дасгалууд

Удаан хугацаанд сууж ажилласны дараа биеийг тайвшруулах энгийн сунгалтын дасгалууд

-

Олон цагаар сууж ажилласны дараа нуруу, цээж хөшин, гар, хөл чилж өвдөх хандлагатай байдаг. Энэ нь зөвхөн бидний биед төдийгүй ажлын бүтээмж, гүйцэтгэлд нөлөөлдөг. Тиймээс ажлаа дуусгаад хийх, бие махбодоо тайвшруулах хэд хэдэн энгийн сунгалтын дасгалуудыг хүргэж байна. Мэдээж маш олон тайшвруулах дасгал байх ч эдгээрээс хамгийн үр дүнтэйд нь дараах дасагалууд багтана.

Эсэргүүцлийн дасгал

Жижиг резинийг 5 хуруундаа углана. Резин нь хэт чанга, хэт сул байж болохгүй гэдгийг анхаараарай. Резинээ сунгах замаар дасгалыг хийнэ. Гар тус бүрт нэг минутын турш эсвэл тайвшрах мэдрэмж төрөх хүртэл хийнэ. Хуруунуудаа хэт ачааллуулж болохгүй гэдгийг санаарай.  Хэрэв өвдөлт, цочрол, нойрмог мэдрэмж төрж байвал дасгалаа зогсоох хэрэгтэй.

Бугуйн дасгал

Гараа бугуйгаар нь унжуулан тохойгоороо ширээн дээр байрлуулна.

Гараа бугуйгаар нь дээш хөдөлгөн 5 секунд бариад эргэж хэвийн байрлалдаа буцна. Гараа унжуулан 5 секунд болоод шулуун байрлалд буц. Үүнийг 10 удаа давтах бөгөөд өдөрт дор хаяж 3 удаа хийгээрэй.

Бугуйн тойрог

Зураг дээрх байрлалаар бугуй хэсгээрээ цагийн зүүний дагуу 5, эсэргээрээ 5 тойрог эргүүлнэ. Үүнийг гар тус бүрт 3 удаа давтана.

Гуяны сунгалт

Хөлдөө мөрний хэмжээний зай авч сандал дээр суугаад хоёр гарынхаа тохойгоор гуяны дотор талд тулна. Гэдсээ татаад аажмаар урагш тонгой. Нуруу шулуун байх ёстой. Гуяны дотор талын булчинд сунгалт мэдрэгдэх хүртэл 10-30 секунд дараад эргэж хэвийн байрлалдаа буцна. Энэ дасгалыг хэдэн ч удаа давтах боломжтой.

Өрөөсөн хөлдөө тэнцвэрээ олох

Зүүн хөлөө нугалан шагайгаар нь баруун хөлийнхөө өвдөгний дээд хэсэгт тавь.

Хагас суугаа байрлалд шилжин цээжээрээ бага зэрэг бөхийнө. Нуруу шулуун байх ёстой. 10-30 секунд энэ байрлалаа бариад нөгөө талын хөлдөө давтана.

Ханатай дасгал

Нуруугаа хананд тулж зогсоод өвдгөө бага зэрэг нугалаарай.

Дээрх зургийн дагуу гараа сунгана. Энэ таны нурууны булчинд сайнаар нөлөөлнө.

Мөрний сунгалт

Хоёр гараа зөрүүлж нугалаад толгой дээрээ байрлуул. Нэг гараагаа нөгөө гарынхаа тохойноос зөөлөн татаж сунган 10 секунд болоод эсрэг талдаа давтаарай. Үүнийг хэд хэдэн удаа хийнэ.

Шөрмөсний сунгалт

Эхлээд сандлаа ширээнээсээ холдуул.

Нэг хөлөө ширээн дээрээ тавиад хоёр гараа урагш сунган бага зэрэг тонгойно. Нуруугаа шулуун байлгаад энэ байрлалыг 10 секундын турш барь. Эсрэг талын хөлөөрөө давтаарай.

Хүзүүний сунгалт

Чихээ мөрөндөө ойртуулах байрлалыг 10 секунд барь. Толгойгоо аажмаар эргүүлэн эсрэг талдаа мөн давтана. Энэ дасгалыг хэд хэдэн удаа давтана. Ингэхдээ хүзүүгээ хэт сунгахгүй байхыг анхаарна уу.

Залбирал

Алгаа хавсарч цээжнийхээ өмнө байрлуулна.

Залбирч буй мэт байрлалыг сунгалт мэдрэгдэх хүртэл 15-30 секунд барь. Үүнийг 2-4 удаа давтана.

Эх сурвалж: Brightside

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд