Business Insider-ийн мэдээлснээр Пеннсильванийн их сургуулийн хийсэн судалгаагаар халзан эрчүүдийг эргэн тойрны хүмүүс нь илүү нөлөөлөх чадвартай, амжилтанд хүрдэг гэж үзсэн байна. Судалгааны удирдагч, эрдэмтэн Альберт Э.Маннес (тэр бас халзан байсан гэдгийг тэмдэглэх нь зүйтэй) 59 оролцогчдод нэг хүний хоёр зургийг үзүүлэв. Эхний зураг дээр залуу үстэй, хоёр дахь зурган дээрээ халзан байсан. Судалгааны үр дүнгээс харахад оролцогчид халзан эрийг илүү сонгожээ. Оролцогчид халзан хүмүүсийг шийдвэр гаргах чадвар сайтай гэж дүгнэсэн байна.
Тэд мөн халзан толгой нь эр хүнийг дур булаам, илүү ухаалаг харагдуулдаг гэжээ. Сэтгэл судлаач Рональд Хенсс “20,000 гаруй харилцагчдаас ихэнх нь халзан эрчүүдийг илүү ухаалаг гэж үнэлгээ өгсөн” хэмээн өгүүлжээ. Нэмж дурдахад, Пеннсильванийн Их Сургуулийн хийсэн судалгаагаар халзан эрчүүд, толгойн халзан хэсгээрээ бага зэрэг үстэй эсвэл шингэн армаг тармаг үстэй эрчүүдээс илүү дур булаам гэж үнэлэгдсэн байв.
Эх сурвалж: healthdigest