LOADING

Type to search

Стресст орсон үед хашгирах нь тайвшруулдаг

Share

Хашгирах, чанга дуугаар орилох нь бүх асуудлыг шийдэж чадахгүй ч асуудлаа шийдэхэд тань туслах хамгийн эхний алхам юм. Бясалгал хийх, усанд орох уу, тайвшрах дадалд суралцах зэрэг шинжлэх ухааны үндэслэлтэй стресс тайлах олон аргууд бий.

Дээвэр дээр, хүнгүй газар, эсвэл дэрээ нүүрэндээ наагаад хашгирах нь бэрхшээл тулгарсан, хэрхэн шийдэхээ мэдэхгүй байх үед тайшврах гол арга зам юм.

Чанга дуугаар орилох нь яагаад бидний сэтгэл санааг богино хугацаанд тайвшруулдаг вэ?

Энэ нь бидний бусад сэтгэл хөдлөл, мэдрэмжүүдтэй холбоотой.  Уйлах, инээх, гуниглах, баярлах нь тайван байдлыг бий болгодог шиг чанга дуугаар орилох нь уур уцаар, бухимдлаас салахад тусалж, богино хугацаанд тайвшруулдаг. “Бидний мэдэрч буй бүх сэтгэл хөдлөл нь түүнтэй уялдан зохицох нэг ямар нэгэн үйлдэлтэй байдаг” гэж Манхэттены сэтгэлзүйч эмч Ави Клейн хэлжээ.

Бачимдсан, асуудлыг хэрхэн шийдвэрлэхээ мэдэхгүй, уурлаж бухимдсан, тэсэрч, дэлбэрэх шахсан үед орилох нь хамгийн зөв шийдэл. Ингэлээ гээд асуудлыг шийдчихгүй ч тухайн цаг мөчид таныг тайвшруулах, сэтгэл санааг сэргээх, хүнд нөхцөл байдлаас чөлөөлөх гарц гаргалгаа нь энэ байж болох юм.

Чанга дуугаар хашгирах нь буцалж буй зүйлийг дэврэхээс нь өмнө тагийг авахтай ижил. Дотны найзтайгаа ярилцах эсвэл хашгирах нь мэдрэмжээ чөлөөлөх, хурцадмал байдлыг арилгах сайн, батлагдсан арга юм гэж Скрантоны Их сургуулийн сэтгэл судлалын профессор Жон Норкросс хэлжээ.

60-70-аад оны үед анх хашгирах, чанга дуугаар орилохыг сэтгэл заслын эмчилгээнд ашиглаж байсан бөгөөд Жон Леннон, Йоко Оно нарын алдартнууд энэ эмчилгээний аргыг дэмжиж байлаа.

Эмчилгээний гол арга барил нь сэтгэлзүйн асуудал, уур бухимдлаа “хөөх” байв. Гэхдээ энэ нь богино хугацааны буюу түр зуурын л шийдэл юм.  Харин хүмүүс нэг сайн хашгираад л бүх асуудал намжих мэтээр ойлгодог. Хэрэв та үргэлж ийм үйлдэл гаргахыг хүсэхгүй л байгаа бол асуудлын үүдэл шалтгааныг тогтоож шаардлагатай арга хэмжээг авах хэрэгтэй. Стресс тайлах эрүүл, баталгаатай өөр олон арга бий.

Эх сурвалж: popsc

error: Content is protected !!