А.Амбасэлмаа: БЗД-ийн 17 дугаар хорооны 7 хүний шинжилгээнд халдвар илэрсэн

ХӨСҮТ-ийн Тандалт судалгааны албаны дарга А.Амбасэлмаа: “Нэгдүгээр сарын 13-ны өдөр улсын хэмжээнд 15,899 хүнд PCR шинжилгээ хийхэд 10 хүнээс коронавирусийн халдвар илэрлээ. Шинээр илэрсэн тохиолдлуудын ес нь Улаанбаатар хотод бүртгэгдсэн. Тэдгээрийг задалж танилцуулбал,

• БЗД-ийн 17 дугаар хороонд өмнө нь батлагдсан хоёр гэр бүлийн хавьтал 7 хүний шинжилгээнд халдвар илэрсэн.
• “Ачтан” эмнэлгийн голомтод 2 тохиолдол нэмж бүртгэгдлээ.

Үлдсэн нэг тохиолдол нь гаднаас зөөвөрлөгдсөн. Энэ нь Афганистанаас ирсэн энхийг сахиулагч байгаа. Ингээд зөөвөрлөгдсөн тохиолдлын тоо 410 болж байна. Сүүлийн 24 цагт ХӨСҮТ-өөс 16 хүн дараагийн шатны ажиглалт руу буюу ХУД-ийн 300 ортой эмнэлэг шилжсэн байна” гэв.