Цай нь тайвшруулдаг бөгөөд сэтгэл ханамжтай байхад тусалдаг ундаа юм! Түүний эрүүл мэндэд үзүүлэх ашиг тусын талаар маргаантай асуудлууд их байдаг. Гэсэн хэдий ч саяхан Европын зүрх судасны сэтгүүлд нийтлэгдсэн судалгаагаар цай уух нь эрүүл, урт удаан наслахтай холбоотой байдаг гэжээ.
Судалгаанд зүрхний шигдээс, цус харвалт, хорт хавдрын түүхгүй оролцогчид хамрагдсан байна. Оролцогчдыг зохих хэмжээнд цай уудаг (долоо хоногт гурван удаа ба түүнээс дээш удаа), ердийн бус хэмжээгээр цай уудаг (долоо хоногт гурваас доошгүй удаа) гэсэн хоёр ангиллаар хуваав. Шинжилгээний үр дүнд 50-иад жилийн турш байнгын цай уудаг байсан оролцогчид зүрхний титэм судасны өвчин, тархинд цус харвах эрсдэл цай уудаггүй нөхдүүдтэй харьцуулбал бага байжээ. Тэд 1.41 жилээр урт насална гэсэн дүгнэлт гарсан байна. Цаашилбал цай хэрэглэдэг хүмүүст зүрх судасны өвчин, тархинд цус харвах эрсдэл 20% -иар бага байв. Мөн цай уудаг хүмүүсийн нас барах эрсдэл 15% -иар буурч байгааг тогтоожээ.
Хятадын анагаахын шинжлэх ухааны академийн судлаач Шинян Ван “Цай тогтмол уух нь зүрх судасны өвчин, нас барах эрсдэлийг бууруулдаг. Ногоон цайны эрүүл мэндэд үзүүлэх нөлөө нь хар цайнаас илүү байдаг” гэжээ.
Ногоон цай нь полифенолын баялаг эх үүсвэр юм. Харин хар цайнд эдгээр полифенолууд исгэх процессоос болж исэлддэг тул үйлчилгээгээ алддаг байна. Мөн хар цайг сүүтэй холивол зүрх судасны тогтолцоонд үзүүлэх таатай нөлөө нь саармагждаг ажээ.
Эх сурвалж: Foodndtv
