No menu items!
HomeОнцлохӨдрийг сайхан өнгөрүүлэхэд тань туслах өглөөний 6 дадал

Өдрийг сайхан өнгөрүүлэхэд тань туслах өглөөний 6 дадал

-

Та өдрөө хэрхэн  эхлүүлдэг вэ? Олон шинжлэх ухааны судалгаанаас харахад өглөө сэрсний дараах хэдэн цагт хийсэн ажлууд нь өдрийн үлдсэн хугацаанд ихээхэн нөлөөлдөг гэжээ. Дэлхийн хамгийн амжилттай хүмүүсийн өглөөний өгөөжтэй зуршлыг мөрдөхийг хүссэн ч бай, үгүй ​​ч бай таны санаж байх чухал зүйл бол оюун санаа, бие махбодийн үйл ажиллагаандаа хамгийн сайн тохирсон өглөөний дэглэмтэй байх явдал юм.

Та аль хэдийн өглөөд хэрэгжүүлдэг өөрийн гэсэн дадалтай болсон байх. Гэхдээ дараах шинжлэх ухааны үндэслэлтэй зөвлөмжүүдийг туршиж үзээрэй.

1. Эрт сэр

Эрт сэрэх нь олон давуу талтай байдаг. Эрт босдог хүмүүс шөнө орой унтдаг хүмүүстэй харьцуулахад ажлаа хойшлуулдаггүй гэж “The Journal of General Psychology” сэтгүүлд нийтлэгдсэн байна. Хэрэв танд өглөө эрт босох нь хэцүү байвал үүнийг хий: Өдөр бүр, босдог цагаасаа 15 минутын өмнө сэр. Нэг долоо хоногийн турш үүнийг хийсний дараа 30 минутаар хугацааг сунгаарай.  

2. Дасгал хий

Өглөө дасгал хийх нь стрессийг бууруулахад маш сайн нөлөөтэй. Мөн цусны даралтыг бууруулдаг  гэж “Appalachian” Их Сургуулийн 2011 оны судалгаагаар тогтоосон байна. Тим Күүк, Ричард Брэнсон зэрэг хамгийн амжилттай бизнес эрхлэгчдийн олонх нь өдрөө эхлүүлэхийн тулд дасгал хийдэг. Харвардын судлаач Шон Ачор  хэлэхдээ “богино хугацааны хөгжилтэй кардио дасгал (Хула цагираг, бүжиглэх, алхах зэрэг хөдөлгөөнийг 10-15 минут хийх) нь антидепрессант хэрэглэхтэй адил үр дүнтэй байдаг” гэжээ.

3. Тэмдэглэл хөтлөх

Бичлэгийн янз бүрийн хэлбэр байдаг боловч бодол санаа, мэдрэмжийг илүү тодорхой ойлгохын тулд тэмдэглэл бичих замаар чимээгүйхэн цагийг өнгөрөө. “Рочестер” Эрүүл мэндийн төвийн судалгаагаар өдрийн тэмдэглэл хөтлөх нь стресс болон сэтгэл зовнилоо мартахад тусалж чадна гэжээ. Стресс үүсгэгч хүчин зүйлээ тодорхойлсны дараа асуудлыг шийдвэрлэх, эргээд стрессийг бууруулах төлөвлөгөө боловсруулж болно шүү дээ.

4. Мацаг

Өөрөөр хэлбэл өглөөний хоолоо орхи. Яагаад? Хэд хэдэн судалгаагаар үе үе  мацаг барих нь жин хасахад сайнаар нөлөөлдөг болохыг тогтоожээ. Мөн мацаг барьснаар биеийн үрэвслийг арилгах чадварыг нэмэгдэж, цусны даралт, триглицерид, холестерины түвшинг сайжирч, тархины үйл ажиллагаа нэмэгдэж, мэдрэлийн эсийн эмгэгээс урьдчилан сэргийлж чадна.

5. Хийх ажлынхаа хуваарийг гарга

Жоржтауны их сургуулийн компьютерын ухааны профессор, зохиолч Кал Ньюпорт  хэлэхдээ “Хийх зүйлсийнхээ жагсаалтыг гаргах нь хийх зүйлээ илүү бодитой байлгахад тусалдаг. Өөрөөр хэлбэл энэ нь хүслийн хүслийн жагсаалт юм” гэжээ. Тэрээр саяхан блогтоо “Хуваарь гаргах нь цагийг зөв төлөвлөж, завтай болоход тусална. Та ажлаа төлөвлөөд зогсохгүй хамгийн сайн, хурднаар хийх боломжтой” гэсэн байна.

6. Анхаарал төвлөрүүлэх дасгал хий

Мэдрэл судлалын чиглэлээр хийсэн судалгааны  үр дүнгээс харахад анхаарал болгоомжтой байх нь сэтгэлийн түгшүүрийг арилгахад тусалдаг нууцуудын нэг гэсэн байна. Анхаарлаа төвлөрүүлэхийн тулд өглөө бүр ердөө 5-15 минут л хангалттай. Таны хийх ёстой зүйл бол тухтай газар суугаад, тухайн мөчөө анхааралтай ажиглаж, амьсгалаа чагнах юм. Энэхүү арга нь тайвшруулж, асуудлыг илүү тодорхой бодоход тусалдаг. Бясалгал нь таныг илүү ухаалаг болгож, шийдвэр гаргах чадвараа дээшлүүлэхэд тань нөлөөлдөг болохыг 2012 онд гарсан UCLA-ийн судалгаагаар тогтоожээ. Уг судалгаа “Frontiers in Human Neuroscience” сэтгүүлд нийтлэгдсэн байна.

Эх сурвалж: Thriveglobal

Г.Жаргал
Г.Жаргал
Zaag.mn сайтын редактор

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд