Өвөл дуусахаас өмнө аялмаар байна уу? Бодсоор байтал өвөл дуусах нь гэж та санаа зовох хэрэггүй. Бид энэ удаагийн “Аялал” булангаараа хамгийн энгийн хэрнээ сонирхолтой аяллын таван санааг танилцуулж байна.
Ууланд аялах– Энэ бол найз нөхөд, гэр бүлээрээ хэрэгжүүлж болох хамгийн энгийн санаа юм. Та ханиад томуу, хотын дуу чимээнээс холдож хамгийн бага зардлаар явж болох аялал юм. Та найз нөхдөө уриалан Богд ууланд алхаж, долоо хоногийн нэг өдрөө сонирхолтой өнгөрөөгөөрэй. Ууланд гарах нь шаардлагатай хүчилтөрөгчөө авч, стрессээ тайлж, хөдөлгөөний дутагдлаас сэргийлэхэд чухал ач холбогдолтой.
Түүдэг гал– Та найз нөхөдтэйгөө эсвэл хайртай хүнтэйгээ аялахаар төлөвлөсөн бол энэ санааг хэрэгжүүлээрэй. Найз нөхдөөрөө хотын ойр амралтыг зорьж цэвэр агаараар амьсгалж, халуун дарс шимэнгээ, дурсамжтай яриа өрнүүлж галын дэргэд суух сайхан биш гэж үү?
Нохойтой чарганы аялал– Алескын хаски үйлдвэрийн нохой чаргаар Монголын өргөн уудам тал нутаг, гол мөрөн, ойн хөвч хосолсон байгалын хосгүй үзэсгэлэнт газраар нохой чаргаар зөвхөн өвлийн цагт л аялаж болно. Тус аялал нь газрын хол ойроос хамаараа үнэ нь өөр байдаг. Маш олон нохойтой аяллын газрууд байдаг ба та өөрт тохирсон таалагдсанаа хараад сонгох боломжтой.
Дугуйтай аялал-Амралтын өдрөө цэвэр агаарт дугуй унаж, сонирхолтой өнгөрөөх боломж. Гэхдээ өвлийн цаг учир анхаарах ёстой зүйлийг бичье. Халтиргаа гулгаа их байгаа тул зөөлөн явах, Бээлий, Ороолт, Малгай заавал авч явах, Хэрэв та олноороо явах гэж байгаа бол: Өөрийн болон бусдын аюулгүй байдлын үүднээс зохион байгуулалтад орж цуваанд илүү дутуу үйлдэл хийхгүй байх. Мөн энэ төрлийн аялал зохион байгуулдаг клубууд байдаг ба хөтөлбөрт нь нэгдэж болох юм.
Номтой аялал– Номоо аваад л гараад марш! Ганцаараа байж, эрэгцүүлэн бодож сэтгэл санаагаа амраая гэж бодож байвал энэ аяллыг сонгоорой. Дулаан газар тухлан сууж байгаа д л дуртай номоо унших тэр мэдрэмж танд жинхэнэ амралт болно.
Г.Жаргал