LOADING

Type to search

Эрүүл мэнд

Эрэгтэй, эмэгтэй хүмүүсийн хөгшрөлт ямар ялгаатай вэ?

Share

Мэдээжийн хэрэг, генетик, амьдралын хэв маяг, хоол тэжээл, хүрээлэн буй орчноос шалтгаалан хүмүүс өөр өөр хөгширч болно. Гэхдээ эрэгтэй, эмэгтэй хүмүүсийн хөгшрөлт тэс өөр байдаг.

Эрэгтэй, эмэгтэй хүмүүсийн бие организм хөгшрөлтөд өөр өөр хариу үйлдэл үзүүлээд зогсохгүй сэтгэл зүй ч хоорондоо эрс ялгаатай. Эрэгтэй, эмэгтэй хүмүүсийн хөгшрөлт яагаад өөр өөр байдаг талаар авч үзье.

Наслалт

Дэлхийн бараг хаа сайгүй эмэгтэйчүүд эрчүүдээс урт насалдаг нь энгийн баримт юм. Зарим хүмүүс эрчүүд ихэвчлэн илүү аюултай зүйл хийдэг, хүнд ажил эрхэлдгээсээ шалтгаалж эмэгтэйчүүдээс бага насалдаг гэж боддог.

Харин зарим нь эмэгтэйчүүд илүү их эрүүл мэнддээ анхаардаг, асуудал гарвал эмчид ханддаг учир эрт оношлогдож чаддаг гэж тайлбарладаг. Үүний шалтгаан нь юу ч байсан хамаагүй, эмэгтэйчүүд дэлхий даяар эрчүүдээс илүү насалдаг.

АНУ-д хоёр хүйсийн хувьд дундаж наслалт 78.6 жил байна. Эмэгтэйчүүдийн хувьд 81.1 жил, эрэгтэйчүүдийн хувьд 76.1 жил байдаг ажээ.

Бэлгийн харилцаа

Эрэгтэй, эмэгтэй хүмүүсийн бэлгийн амьдрал, хөгшрөлт тэс өөр байдаг. Эмэгтэй хүн хөгшрөхөд биед нь  цэвэршилт явагддаг бол эрэгтэй хүний бие аажмаар хариу үйлдэл үзүүлдэг.

Гормон

Male and female gender signs on blue and pink background. Relationship between men and women. Creative 3D paper art.

Эрэгтэй, эмэгтэй хүмүүсийг нас ахих тусам хөгшрөлтөд нь янз бүрийн гормонуудад нөлөөлдөг. Эмэгтэйчүүдийн хувьд хөгшрөлттэй холбоотойгоор эстроген дааврын хэмжээ өөрчлөгддөг. Энэ нь ялангуяа цэвэршилтийн дараа тохиолддог. Эрэгтэйчүүдийн хувьд тестостерон дааврын түвшний өөрчлөлт нь хөгшрөлтийн дааврын голлох бүрэлдэхүүн хэсэг юм.

Тархи

Тархи, оюуны чадавх нь эрэгтэй, эмэгтэй хүмүүсийн хувьд өөр өөр байдаг. Илүүдэл жинтэй, чихрийн шижин өвчтэй, тархинд цус харвасан эрчүүд танин мэдэхүйн бэрхшээлтэй болох магадлал өндөр байдаг.Гэхдээ эмэгтэйчүүд өдөр тутмын ажил үүргээ бусдаас хараат байлгаж, хүч чадал муутай бол танин мэдэхүйн бэрхшээлтэй болох нь элбэг.

Зуун настнууд

Зуун насанд хүрсэн эрэгтэй, эмэгтэй аль ч хүйсийн хүмүүс байдаг. Гэхдээ эмэгтэйчүүд илүү 100-аас дээш насалдаг байна.  Гэсэн хэдий ч 100 нас хүрэхэд эрэгтэй, эмэгтэй хүмүүсийн хооронд зарим ялгаа байдаг. Эдгээр статистикийг 2003 оны сонгодог судалгаанд үндэслэсэн болно.

Эрэгтэй зуун настнуудын 24 хувь, эмэгтэй зуун настнуудын 43 хувь нь  80-аас дээш насанд тохиолддог өвчнөөс дор хаяж нэгээр нь оношлогдсон байдаг.

Эрэгтэйчүүдийн 32 хувь, 100-аас дээш насны эмэгтэйчүүдийн 15 хувь нь эрүүл мэндийн хувьд ямар нэгэн ноцтой асуудалгүй хүмүүс байдаг.

100-аас дээш насны эрэгтэйчүүдийн 44 хувь, эмэгтэйчүүдийн 42 хувь нь 80 нас хүртлээ ямар нэг өвчнөөр оношлогдоогүй хүмүүс байдаг.

Эх сурвалж: verywellhealth

error: Content is protected !!