Өсвөр насныхан бэлгийн бойжилт, сарын тэмдгийн мөчлөгийн талаар мэдэж байх ёстой хэдэн зүйлс бий. Сарын тэмдэг нь эмэгтэй хүний сарын мөчлөгийн зөвхөн нэг хэсэг. Сарын тэмдгийн мөчлөг нь эмэгтэй хүний бие махбодыг жирэмслэхэд бэлддэг дааврын болон бие махбодын өөрчлөлт юм.
“Ердийн” мөчлөг гэж юу вэ?
Сарын тэмдгийн мөчлөгийг нэг сарын тэмдэг эхэлснээс дараагийн сард эхлэх хүртэл хэмждэг. Сарын тэмдгийн мөчлөг ойролцоогоор 28 хоног байдаг боловч 21-45 хоногийн хооронд хэлбэлздэг бөгөөд энэ нь хэвийн мөчлөг гэж тооцогддог. Сарын тэмдэг нь ихэвчлэн 3-5 хоног үргэлжилдэг боловч 2-7 хоногийн хооронд хэлбэлзэх нь зарим охидын хувьд хэвийн үзэгдэл.
Эхний сарын тэмдгээс ирснээс хойших хэдэн жилийн хугацаанд өсвөр насны хүүхдийн мөчлөг тогтмол биш байдаг. Өөрөөр хэлбэл урьдчилан тооцоолоход хэцүү гэсэн үг. Эхэн үеийн мөчлөгүүд нь ихэвчлэн ановуляци хийдэг тул энэ үед өндгөн эс боловсрохгүй.
Эхний мөчлөг (менархи) өнгөрснөөс хойш 2 жилийн хугацаанд сарын тэмдэг тогтворждог боловч эхний сарын тэмдэгээс хойш 6 жилийн дараа өндгөн эс боловсорно. Гэхдээ аль мөчлөгийн үед өндгөвч боловсорч буйг урьдчилан таамаглах боломжгүй.
Хүндрэл
Сарын тэмдгийн хэвийн бус байдал нь таны эрүүл мэндийн байдлыг илэрхийлдэг. Ямар тохиолдолд эмчид хандах хэрэгтэй вэ?
15 нас хүртэл сарын тэмдэг ирээгүй.
Хөхний хөгжлөөс хойш 3 жилийн хугацаанд эсвэл 13 насанд хөх нь хөгжөөгүй тохиолдол гарсан уу?. Энэ үед сарын тэмдэг ирж амжаагүй байвал эмчид хандаарай.
Сарын тэмдэг гэнэт 3 сар гаруй зогссон.
Сарын тэмдэг тогтмол бус үед.
Сарын тэмдэг хоорондын хугацаа 21 хоногоос илүү, 45 хоногоос бага тохиолдолд.
Сарын тэмдэг 7 хоногоос дээш хугацаанд үргэлжилдэг.
Ердийнхөөс илүү их шингэн алдаж байгаа эсвэл 1-2 цаг тутамд нэгээс илүү ариун цэврийн хэрэглэл хэрэглэдэг.
Сарын тэмдгийн үеэр хүчтэй өвдөлтийг мэдэрдэг.
Хэрэв сарын тэмдгийн мөчлөгийн талаар санаа зовох зүйл байвал эрүүл мэндийн мэргэжилтэнтэй ярилцаарай. Мөн ээжийнхээ тусламжийг аваарай.
Эх сурвалж: verywellfamily