LOADING

Type to search

Эрүүл мэнд

Уушиг цэвэрлэх 9 арга

Share

Уушиг нь  биднийг янз бүрийн халдвар, агаарын бохирдлоос хамгаалдаг байгалийн шүүлтүүр. Иймд эрүүл уушиг аз жаргалтай амьдрахад маш чухал үүрэг гүйцэтгэдэг. Харамсалтай нь өдөр бүр амьсгалж буй агаар дахь хортой бодисуудаас болж амьсгалын эрхтэн тогтолцоо муудаж болно. Хуурай ханиалгах, цээжээр өвдөх, амьсгал давчдах зэрэг нь уушгины ноцтой өвчин болох астма, архаг бронхит, уушигны эмболи болон бусад олон өвчний шинж тэмдэг байж болно.

Бид уушгиа эрүүл байлгах, хор хөнөөлтэй хүчин зүйлсийн дараа сэргээн засах энгийн аргуудын жагсаалтыг танилцуулж байна.

9. Унтаж байхдаа толгойгоо өндөрлө

Унтаж байхдаа толгойгоо 15 градусын өндөрт байлгаснаар салст хоолойноос гарах урсгалыг багасгаж, шөнө ханиалгахаас сэргийлж чадна.

8. Найзаасаа тусламж хүс

 Найзаасаа, гараараа нуруугаа тогшихыг хүс. Тэд таны нурууны дунд хэсэгт хүчтэй цохих ёстой. Энэ нь уушгины салстыг сулруулж, ханиалгахад тусална.

7. Байшингаа цэвэрлэ

Заримдаа уушигны ноцтой өвчнийг мөөгөнцөр өдөөдөг. Тухайлбал, мөөгөнцөр нь үрэвсэл, харшил, астма зэрэг өвчний шинж тэмдгүүдийг нэмэгдүүлдэг.

Хүндрэлгүйгээр амьсгалахын тулд байшингийнхаа өнцөг булан бүрийг цаг тухайд нь цэвэрлэж, агаар цэвэршүүлэгч тусгай хэрэгсэл ашиглан уушгинд аюулгүй орчин бий болгох хэрэгтэй.

6. Уушгаа бохирдлоос хамгаалаарай

Хэрэв та маш их бохирдолтой газар амьдардаг бол хүрээлэн буй орчны агаар дахь хорт хийнээс өөрийгөө хамгаалах хэрэгтэй. Гадуур гарахдаа заавал тусгай маск зүүж байгаарай.

5. Ханиалгахаа бүү дараарай

Ханиалга нь ханиад томуу хүрсэн үед уушгиа салстаас салгахад тусалдаг байгалийн үйл явц юм. Ханиалгыг дарах нь халдварын ноцтой явцыг үүсгэдэг. Дараагийн удаа ханиалгыг дарах эмийг зөвхөн таагүй мэдрэмж мэдрэгдэх үед эсвэл ханиалгахаа больж чадахгүй үед л хэрэглээрэй.

4. Эрүүл хоолны дэглэм барина уу

Зарим хоолонд маш их хэмжээний витамин, эрдэс бодис агуулагддаг тул нэмэлт эмгүйгээр уушгийг хамгаалах боломжтой. Хооллох зуршлаа хэрхэн өөрчлөх талаар зарим зөвлөмжийг энд оруулав.

Органик хоолонд шилжих нь уушгины хорт хавдар, архаг бронхит, эмфизем зэрэг өвчний эрсдэлээс зайлсхийхэд тусална.

Хэрэв та органик хоолонд бүрэн шилжиж чадахгүй бол хадгалалт, нэмэлт бодис агуулсан бүтээгдэхүүнээс гадна савласан, боловсруулсан бүтээгдэхүүнээс зайлсхийхийг хичээ. Ямар нэгэн зүйл худалдаж авахаасаа өмнө хүнсний шошгыг сайтар шалгаж үзээрэй.

Өдөр бүр шаардлагатай хэмжээний ус уухаа бүү мартаарай. Энэ нь уушгиа чийгшүүлж, салстгүй байлгах, цусны урсгалыг хөнгөвчлөхөд тусална.

Хэрэв та тамхи татдаг бол бета-каротин агуулсан нэмэлт бэлдмэлийг бүү хэрэглээрэй. Энэ нь бүдүүн гэдэс, уушиг, түрүү булчирхайн хорт хавдрын эрсдэлийг нэмэгдүүлдэг.

3. Зарим энгийн дасгалуудыг хий

Биеийн тамирын дасгал нь зөвхөн сайхан харагдах төдийгүй дотоод эрхтний эрүүл мэндэд чухал ач холбогдолтой бөгөөд ингэснээр цусны урсгалыг нэмэгдүүлж, шаардлагатай аминдэм, эрдэс бодисыг уушгинд илүү хурдан хүргэх боломжийг олгодог.

Хэрэв та уушгинд эсвэл амьсгалахад зарим асуудал тулгарвал шинэ дасгал хийхийн өмнө эмчид хандах хэрэгтэй.

Хятад дасгал

  • Анхны байрлал: сандал эсвэл шалан дээр суух
  • Гараа өргөж, урдаа ав. Амьсгалаа аваад гарга.
  • Гараа хажуу тийш хөдөлгөж, мөрний түвшинд байлгахдаа амьсгалаа аваарай. Амьсгалаа гаргах.
  • Гараа дээш өргөөд амьсгалаа ав. Амьсгалаа гаргах.
  • Эхний байрлал руу буцах.
  • Давтана: 10-12 удаа

Түлхэх

  • Анхны байрлал: Хөлдөө мөрний хэмжээтэй зай ав
  • Аль болох аажмаар доош бөхий.
  • Уушигнаасаа аль болох их агаар гарга.
  • Эхний байрлал руу буцах. Амьсгал.
  • Анхааруулга: Нурууны доод талд өвдөх, нэг хөлний ар тал өвдөж байвал энэ дасгалыг бүү хий.

Тохой

  • Анхны байрлал: хөлдөө мөрний хэмжээтэй зай аваад зогс.
  • Гүнзгий амьсгаа ав.
  • Зүүн гараа дээш өргөж, амьсгалаа гаргахдаа биеэ баруун тийш аажмаар бөхийлгө.
  • Анхны байрлал руугаа буцаж байхдаа амьсгалаа аваарай.
  • Нөгөө талдаа мөн давтан хийнэ.

2. Зөв амьсгал

Амьсгалах байдал нь таны эрүүл мэндтэй шууд холбоотой юм. Уушигны хүчилтөрөгчийн хэмжээг нэмэгдүүлэх, нүүрстөрөгчийн давхар ислийг ялгаруулах чадварыг сайжруулахын тулд та амьсгалын дасгал хийж болно.

Амаараа амьсгалах

  • 2-3 секундын турш хамараараа амьсгалах хэрэгтэй.
  • 4-9 секундын турш амаараа аажмаар гарга
  • Энэ дасгал нь астма-гийн довтолгоог үр дүнтэй удирдан, өөрийгөө тайвшруулахад тусална.

Диафрагмын амьсгал

  • Эхний байрлал: дээшээ харж хэвт
  • Нэг гараа гэдсэн дээрээ, нөгөө гараа цээжин дээрээ тавь.
  • 2-3 секундын турш гэдсээ гадагш чиглүүлж хамараараа амьсгал.
  • 3-4 секундын турш гэдсэн дээрээ зөөлөн дарж, амьсгалаа гарга.
  • Үргэлжлэх хугацаа: 5 минут

Хүмүүс ихэвчлэн ийм төрлийн амьсгалын дасгалыг хийдэггүй ч энэ нь уушгины чадавхийг нэмэгдүүлж, илүү хүчтэй болгоход тусална.

Амьсгалах

  • Хамраараа гүнзгий амьсгаа аваарай.
  • Амьсгалаа гаргаж байхдаа бувтнах чимээ гарга.
  • Иймэрхүү амьсгал нь өрцийг илүү хүчтэй болгоход тусална. Үүнээс гадна таны уушиг илүү их хүчилтөрөгч авах болно.

Анулом-Вилом Пранаяма

  • Эхний байрлал: Тухаа олоод суу. Өвдөг дээрээ гараа тавиарай.
  • Нэг гараа өргөж, нэг хамрын нүхийг хуруугаараа хаа. Гүнзгий амьсгал.
  • Нөгөө хамрын нүхийг хаагаад амьсгалаа гарга.
  • Гаргасан хамрын нүхээр амьсгал.
  • Нөгөө хамрын нүхийг хаагаад, амьсгалаа гарга.
  • Хугацаа: Эхлэгчдэд 3 минут, илүү туршлагатай дадлагажигчдад 15-20 минут

1. Цэгэн массаж

Таны бие дээр амьсгалын бэрхшээл, ханиалгыг арилгах зарим цэгүүд байдаг. Тэдгээрийн нэг нь эрхий хурууны доод талд байрладаг. Үр дүнг харахын тулд энэ цэгийг 3 минутын турш хүчтэй дарна уу.

Зөвлөмжүүдийн алийг нь та хамгийн үр дүнтэй гэж үзэж байна вэ? Бидний уушгийг эрүүлжүүлэх өөр аргуудыг та мэдэх үү? Тайлбар дээр санал бодлоо хуваалцаарай!

Эх сурвалж: brightside

error: Content is protected !!