No menu items!
HomeХүмүүсДэлхийг өөрчилсөн ухаалаг эмэгтэйчүүд

Дэлхийг өөрчилсөн ухаалаг эмэгтэйчүүд

-

Эмэгтэй хүнийг зөвхөн “тачаангуй” харагдах л ёстой мэтээр тодорхойлдог байсан цаг үе ард хоцорсон. Эрч хүчтэй, эрүүл чийрэг эмэгтэй байх нь зүгээр л бие галбиртаа анхаарах, эсвэл нэг хэвэнд баригдахаас илүү чухал эрин үед амьдарч байна. Энэ бол бие махбод, сэтгэл, оюун санааны нэгдлийн тухай юм.
Сүүлийн жилүүдэд “ухаалаг байдал бол шинэ тачаангуй” гэсэн хэллэг түгээмэл хэрэглэгддэг болсон. Дараах гайхалтай бүсгүйчүүд дэлхийг хөхний даруулгын хэмжээгээр бус тархиараа өөрчилсөн юм.  Тэд гадаад төрхтэйгөө адил идэвхтэй, ажил хэрэгч байдлаараа алдаршжээ.

Мэри Шелли

Феминист Мэри Воллстонекрафтын охин Мэри Шелли тухайн цаг үеийнхээ “It girl” байсан. Тэрээр яруу найрагч Перси Бише Шеллигэй гэрлэсэн.  Мэри нөхөр болон бусад зохиолчидтой хамт нэгэн аялалд явж, түүдэг гал тойрон суух үедээ аймшгийн түүх зохион ярьжээ. Шелли энэ үед цогцсыг дахин амь оруулсан нэгэн галзуу эрдэмтний тухай түүх ярьж, нөхөр нь ч үүнийг нь дараа ном болгон гаргах хэрэгтэйг ятгасан байна. Улмаар “Франкштэйн” бүтээл төрж,  энэ нь Европ даяар зартай болгожээ.  

Хеди Ламарр

Австри гаралтай жүжигчин Хеди Ламаррын гайхалтай гоо үзэсгэлэн нь түүнийг Холливудын од болгожээ. Гэвч түүнд санал болгосон идэвхгүй дүрүүдээс маш их залхаж, өөрийгөө зугаацуулахын тулд зохион бүтээгч болсон.

1942 онд Хеди шумбагч онгоцны пуужинг алсын зайнаас удирдах системийг зохиож, өөрийн нэр дээр бүртгүүлсэн юм. Түүний энэ “үсрэлттэй давтамж” технологийн үнэ цэнэ жил ирэх бүр үнэлэгдэх болсон байна. Энэ нь орчин үеийн Wi-Fi болон Bluetooth-ийн үндэс суурийг тавьсан юм.

Кэтрин Жонсон

Кэтрин Жонсон нь АНУ-ын сансрын хайгуулд хамгийн хэрэгтэй байсан тооцооллыг хийжээ. НАСА-ийн эрдэмтэн тэрбээр АНУ-ын сансрын нисэгчдийн дэлхийн тойрог замаар явах чиглэл, яаралтай үед эргэн ирэх замыг тодорхойлсон. НАСА-гийн сансрын уралдаанд Жонсоноос илүү их хувь нэмэр оруулсан хүн цөөн байв. Тэрээр хар арьст эмэгтэйн хувьд олон түвшний өрөөсгөл ойлголтыг даван туулах ёстой байсан нь энэхүү амжилтыг улам гайхалтай болгосон юм.

Эмма Уотсон

Эмма Уотсон Англи хуульч нар болох Жаклин Люсби болон Крис Уотсоны охин болон Парис хотноо мэндэлжээ. Уотсон 5 хүртлээ Парист амьдарсан. Эцэг эх хоёр нь түүнийг бага байхад нь салж, Эмма ээж болон дүүгийнхээ хамт Лондонд өвөөгийндөө амьдарч байв. 6 настайгаасаа жүжигчин болохыг мөрөөддөг байсан тул энгийн сургуульд сурахын хажуугаар урлагийн дугуйланд явдаг байв. Тэрээр Харри Поттэр-д тоглохоосоо өмнө жүжиглэж байгаагүй хэмээн ярьжээ.

Тэр Оксфордын Их Сургууль, Браун Их Сургуульд суралцаж, Английн уран зохиолын бакалаврын зэрэгтэй.

Шарлотт Бронте

Бронте эгч нар өнөөдөр амьд сэрүүн байсан бол хичнээн алдартай болохыг та төсөөлж байна уу? Тэд дэлхийн бүх сэтгүүлийн нүүр царай болж, “Суут охид уран зохиолын ландшафтыг өөрчилдөг” гэсэн гарчиг хаа сайгүй байв. Тэрээр 1847 онд Смит ба Эльдер хэвлэлийн компанид Каррер Белл нууц нэрээр «Жейн Эйр» романаа хэвлүүлсэн. Бичигдсэн цагаасаа хойш өнөөг хүртэл орон орны уншигчдаа байлдан дагуулсаар байгаа цагийг эзэлсэн гайхалтай энэ номын зохиогч Шарлотта Бронте мөн л эгэл бус намтартай, амьдралын шуургыг сөрж тэмцсээр зохиолч болж чадсан эмэгтэй юм.

Кэрри Фишер

“Оддын дайн” цуврал киноны гүнж Лея-гийн дүрээрээ алдаршсан Америкийн жүжигчин Кэрри Фишер нь 1956 онд Калифорни муж улсад мэндэлсэн бөгөөд 1975 онд анхны кинондоо тоглож байсан аж. Үүнээс хоёр жилийн дараа тэрбээр “Оддын дайн” кинонд хатуу ширүүн гүнжийн дүрийг бүтээснээрээ нэрд гарсан байна.

Ада Лавлейс

Английн зохиолч, математикч тэрээр нэрт яруу найрагч Жорж Байроны охин юм. Ээж нь түүнийг яруу найргаас холдуулж, математикийн салбар руу оруулсан байна. Ада Лавлейс нь Чарльз Бэббижемийн боловсруулсан төсөл болох тооны машины бүтцийг тодорхойлсон гэдгээрээ алдартай. Тэрбээр дэлхийд анх удаа тооцоолох машины программыг бүтээсэн бөгөөд түүхэн дэх хамгийн анхны программист эмэгтэй хэмээн тооцогддог юм.




шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд