No menu items!
HomeХүмүүс62 настай Мадоннагийн шинэ дүр төрх

62 настай Мадоннагийн шинэ дүр төрх

-

62 настай, алдарт дуучин Мадонна өөрийн инстаграм хуудсандаа оруулсан зургууд нь олны анхаарлын төвд ороод байна. Түүнийг гоо сайхны ажилбар хийлгэн илүү залуу болсон байна хэмээн оддын тухай мэдээлэл хүргэдэг сувгууд онцлон танилцуулжээ.

Итали гаралтай Мадоннаг Ромын Пап ламыг эс тооцвол энэ дэлхийн хамгийн алдартай католик шашинтан гэдэг.

Уран бүтээлүүд нь католик шашны билэгдлүүдийг задгай, сэкси хэлбэртэй хослуулсан байдгаараа онцлог.

Тухайлбал 2015-2016 онд хийсэн сүүлийн аялан тоглолт дээр нь түүний бүжигчид ил задгай хэлбэртэй гэлэнмаагийн өмсгөл өмсөж, загалмай хэлбэрийн баганатай харьцан бүжиглэж байв.

Мадонна 40 орчим жилийн карьерынхаа туршид нийт 13 цомог гаргаж, 69 видео клип хийлгэж, хоёр удаа гэрлэж, зургаан хүүхэд өсгөжээ.

Тэрээр Форбсын тооцоолсноор $590 саяын хөрөнгөтэй, өөрийн хүчээр баяжсан Америк эмэгтэйчүүдийн 36 дугаарт бичигддэг.

Сүүлд хийсэн аялан тоглолтынхоо концерт бүрээс дунджаар $3 саяыг олж байсан гэж Pollstar тооцоолсон нь бий.

Мадонна Грэммийн шагналд 28 удаа нэр дэвшиж, 7 шагнал хүртэж байжээ. Түүнд 10 саяас дээш хувь зарагдсан Даймонд цомог хоёр (Like a Virgin, The Immaculate Collection) ширхэг бий.

Одоо тэр урлагийн ажлаасаа хөндийрч, буяны үйлс хийж яваа. 2016 онд Мадонна Африкийн хамгийн ядуу улсуудын нэг Малавид хүүхдийн эмнэлэг байгуулах хандивын арга хэмжээг Майамид зохион байгуулж, $7.5 саяын хөрөнгө босгосон юм. Өнөөдөр түүний байгуулсан эмнэлэг нээгдсэн цагаасаа хойш 1,690 хүүхдэд мэс засал хийж, эмчилснийг саяхан мэдээлжээ.

Т.Энхжаргал
Т.Энхжаргал
Zaag.mn сайтын сэтгүүлч

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд