Стресс нь анкилозын спондилитийн (AS) дэгдэлтийг өдөөдөг. Мөн та ямар нөхцөл байдалд байгаагаас хамаарч стресст өртөж болно. Өөрийнхөө AS-ийг удирдаж, өвчний шинж тэмдгийг бууруулахын тулд “стресс менежмент”-ийн зарим аргуудыг туршиж үзэх нь зүйтэй.
Анкилоз спондилит /AS/- Нурууны барьцалдаат үрэвсэлт өвчин гэдэг нь дархлааны өвчний нэг юм. Дархлааны системд өөрчлөлт орсноор нурууны нугаламын үе, ахар сүүлний холбоос зэрэг бүтцүүдийг гэмтээдэг, олон жилийн турш өвдөж зовиурладаг, даамжрах тусам хөдөлгөөнд хязгаарлалт үүсдэг архаг явцтай эмгэг юм. /Цаашдаа AS гэж товчлох болно./
Стресс тайлах олон арга замууд байдаг. Тухайлбал, AS-тай үед харилцааны болон тайвшрах аргуудаар хичээллэх, хэн нэгэнтэй ярилцах, дуртай хоббигоо хөгжүүлэх, баяр баясгаланг олох зэрэг орно. Хэрэв та AS өвчтэй бол олон шалтгаанаар стресст өртөж болзошгүй. Та шинж тэмдгийг бууруулахын тулд үүнийг хэрхэн яаж зохицуулахаа мэдэх нь чухал юм.
Стресс нь бие махбодын хурцадмал байдлыг бий болгож, дархлааны системд хариу үйлдэл үзүүлэх замаар AS-ийн дэгдэлтийг үүсгэдэг. Нэмж дурдахад AS нь өөрөө сэтгэлийн хямралыг бий болгодог байна. Өвдөлт, ядаргаа гэх мэт шинж тэмдгүүд нь стресстэй нөхцөл байдлыг үүсгэж улмаар таны шинж тэмдгийг улам даамжруулдаг ажээ.
Стрессийг идэвхтэй бууруулах нь таны оюун санааг тайвшруулж, AS шинж тэмдгийг багасгах эсвэл урьдчилан сэргийлэхэд тусална. AS өвчтэй үед стрессээ тайлахын тулд эдгээр аргуудын заримыг туршаад үзээрэй.
1. Эмчилгээний төлөвлөгөөгөө
AS-ийг удирдах нэг чухал хүчин зүйл бол эмчийн зөвлөмжийг дагаж мөрдөх явдал юм. Энэ нь шинж тэмдгүүдээс үүдэлтэй дэгдэлтийг бууруулж, стрессийг тайлахад тусална.
Таны эмчилгээний төлөвлөгөөнд дараах зүйлийг багтааж болно.
- эмчтэйгээ тогтмол уулзах
- физик эмчилгээний эмч эсвэл түүнтэй ижил төстэй эмнэлгийн мэргэжилтэн дээр очиж үзэх
- идэвхтэй байх, эрүүл хооллолт
- зааврын дагуу эм уух, ялангуяа өвчин сэдэрсэн үед
- шаардлагатай үед амрах
- тамхи татахаас зайлсхийх
2. Сэтгэцийн эрүүл мэндийн мэргэжилтэнд үзүүлээрэй
AS нь сэтгэлийн хямралыг үүсгэдэг. Ялангуяа сэтгэлийн хямралын шинж тэмдэг илэрвэл стрессээ зохицуулахын тулд терапевт эсвэл сэтгэцийн эрүүл мэндийн бусад мэргэжилтэн дээр очиж үзээрэй. Танин мэдэхүйн зан үйлийн эмчилгээ нь өвчин сэдэрсэн үед үүсэх сэтгэл хөдлөлийг удирдахад тустай байж болох юм.
3. Дасгал хийж идэвхтэй байгаарай
AS өвчний үед хүч чадлаа хадгалах нь чухал юм. Усанд сэлэх, алхах, дугуй унах гэх мэт бага нөлөөтэй дасгал хийх нь таныг хүчтэй байхад тусална. Дасгал хөдөлгөөн нь таны стрессийн түвшинг бууруулж, илүү тайван унтахад туслах болно. Мөн энэ нь тайвшруулахад хувь нэмэр оруулж магадгүй юм.
4. Амьсгалын дасгал хийж үзээрэй
Амьсгалах дасгал нь хаана ч байсан хамаагүй стрессээ тайлах үр дүнтэй арга юм. Амьсгалын дасгал хийх энгийн нэг арга бол гүнзгий амьсгаа авах. Амьсгал дээрээ анхаарлаа төвлөрүүлээд хэдэн минутын турш амьсгалаа гаргаж байхдаа оюун ухаанаа хэрэггүй бодлоос цэвэрлэхийг хичээ.
Та мөн нам гүм орчинд амьсгалын дасгалыг хийх нь дээр. Тав тухтай байрлалд шалан дээр суугаад мөрөө ташаатайгаа зэрэгцүүл. Нуруугаа цэх байлгаж биеийн бусад хэсгүүдийг сул тавиарай. Нүдээ аниад, гэдсэн дээрээ гараа тавиад амьсгалаа аажим аажмаар гаргаж, амьсгалах тоолонд бие өндийж, унаж байгааг мэдэр.
5. Анхааралтай байхыг хичээгээрэй
Анхаарал гэдэг нь өнөөдөртөө төвлөрч, санаа зовоох асуудлаасаа холдоход чиглэсэн бясалгалын нэг төрөл юм. Итгэмжлэгдсэн эх сурвалжаас авсан судалгаагаар энэхүү дадал нь стресс, сэтгэлийн хямралыг арилгахад тусалдаг болохыг тогтоожээ.
Анхаарал ба бусад бясалгалд суралцахад цаг хугацаа шаардагдаж магадгүй тул энэ бясалгалыг эхлүүлж байхдаа стрессээ тайлах гэж бухимдахгүй байхыг хичээ. Цаг хугацаа өнгөрөх тусам илүү хялбар болно. Гэртээ биеэ дааж дасгал хийх эсвэл мэргэжлийн хүмүүсээс сургалт авах боломжтой.
6. Тай чи болон йогоор хичээллээрэй
Тай чи эсвэл йогоор хичээллэх нь таныг тайвшруулж, хүч чадал, уян хатан байдлыг бий болгодог. Аль аль нь таны амьсгалтай нийцсэн хөдөлгөөнөөр концентрацид туслах болно. Тай чи эсвэл йог эхлэхээс өмнө эмчтэйгээ зөвлөлдөж, энэ нь таны эрүүл мэндэд тохирох эсэхийг шалгаарай.
Эдгээр дасгалыг эхлүүлэхдээ аажмаар хөдөлж, AS шинж тэмдгийг өдөөх эсвэл гэмтэл учруулахаас зайлсхийх хэрэгтэй. Цаг хугацаа өнгөрөх тусам таны бие илүү их тэсвэр тэвчээрийг бий болгож, ингэснээр илүү их хөдөлгөөн нэмж хийж чаддаг болно. Иог, тай чи хоёуланг нь гэртээ хийж болно. Та эхлээд зөв арга барилтай болохын тулд мэргэжлийн багшаар заалгаарай.
7. Массаж хийлгээрэй
Массаж хийлгэх нь таны зовиурыг багасгаж, AS өвчнөөр өвдсөн тохиолдолд эрүүл мэндэд тустай бусад ач тустай. Нэгэн судалгаагаар массаж нь AS-тай хүмүүсийн стрессыг бууруулахаас гадна эмнэлзүйн ач тусыг өгдөг, тухайлбал нурууны өвдөлт намдаах үйлчилгээтэй болохыг тогтоожээ.
Массаж хийлгэхийн өмнө стрессээ тайлах энэ аргыг эмчтэйгээ ярилцаж, хийлгэж болох эсэхээ баталгаажуулаарай. Хэрэв тэд өвдөлт, таагүй байдал үүсгэдэг бол массаж хийлгэхээс зайлсхий.
8. Хобби
Дуртай зүйлээ хийж стрессээс ангижрах хэрэгтэй. Сайн ном унших, кино, телевизийн нэвтрүүлэг үзэх, гар урлал хийх эсвэл бага нөлөөтэй спортоор хичээллэх нь таны оюун санааг тайвшруулахад тусална.
9. Найз нөхөд эсвэл гэр бүлийнхэнтэйгээ ярилц
Өдөр тутмын амьдрал, стрессийн талаар ярихын тулд найз эсвэл хайртай хүнтэйгээ уулзах нь таныг тайвшруулахад тусална. Муухай мэдрэмжээ эл гарах нь таныг “хайрцаглагдсан” байдлаас гарахад туслана.Таны найз стресстэй нөхцөл байдлыг зохицуулах эсвэл AS-ийн шинж тэмдгүүдээс үүдэлтэй стрессийг даван туулах талаар зөвлөгөө өгөх боломжтой байж магадгүй юм.
10. Тэмдэглэл хөтлөх
Таны өвчнийг өдөөгч хүчин зүйлс болон урьд өмнө стрессээ тайлж байсан аргуудыг бичих нь ирээдүйд үүнийг удирдахад тусална. Сэтгэл хөдлөл, AS шинж тэмдгүүд, тэдгээрийг хэрхэн удирдаж байсныг тэмдэглэн, тэмдэглэл хөтлөөрэй. Ингэснээр та стресстэй үедээ эрчим хүчээ төвлөрүүлэхэд туслах болно.
Тэмдэглэл
Хэрэв та AS өвчтэй бол стрессийн түвшинг бууруулах олон арга байдаг. Шинж тэмдгээ бууруулж, тайвшрахын тулд эдгээр аргуудыг хослуулан хэрэгжүүлж үзээрэй. Хэрэв та стрессийг удирдаж чадахгүй байвал өөрт тохирсон төлөвлөгөөг эмчтэйгээ зөвлөлдөөрэй.
Эх сурвалж: healthline
