No menu items!
HomeЗөвлөгөөХүүхдээ диатезтай болгохгүйн тулд жирэмсэн байхдаа эдгээрийг анхаар

Хүүхдээ диатезтай болгохгүйн тулд жирэмсэн байхдаа эдгээрийг анхаар

-

Хөхүүл хүүхдүүдэд тохиолддог хамгийн түгээмэл эмгэгийн нэг нь диатез. Энэ нь нэг төрлийн харшил аж. Үүнийг бид ихэнхдээ чихрийн хордлогоос болж гарч байна гэж ойлгодог.

Диатезтай хүүхэд өөрт нь их зовиуртай байдаг. Ээж нь ганц чихэр идсэн ч хүүхдийнх нь нүүрэн дээр улаан тууралтууд гарч, тэр нь загатнаж бяцхан үрсийг ихээр шаналгадаг. Энэ харшил нь хэсэгчилсэн тууралт гарах, хүүхдийн арьс хуурайшиж хогжруутах, хүүхэд уйламтгай, тайван бус байх зэргээр илэрдэг байна.

Хөхүүл буюу хүүхдэд 1-3 сартайд нь илэрсэн диатез хүүхдийг гурван нас хүрэхэд арилдаг байна. Тиймээс анхнаас нь энэ харшлаас сэргийлж, эрүүл хүүхэд төрүүлэхийн төлөө жирэмсэн ээжүүд маань анхаарах хэрэгтэй. Энэ эмгэг үүсэх шалтгаан нь дараахь байдлаас болдог байна. Үүнд:

-Ээж, аавынх нь хэн нэг нь харшилтай

-Ээж нь жирэмсэн байхдаа хэт хордлоготой байсан, эсвэл ханиад их хүрсэн

-Жирэмсэн байхдаа хэт их чихэрлэг зүйл хэрэглэсэн, газтай ундаа их уусан, жүүс амтлагч, халуун ногоо их хэрэглэсэн

-Жирэмсэн байхдаа хортой нөхцөлд ажилласан

-Жирэмсэн байхдаа хэт их антибиотик, тариа хэрэглэсэн эсвэл архи, тамхи хэрэглэдэг байсан.

Дээрх олон шалтгааны улмаас хөхүүл хүүхдүүд харшилтай болох, бие султай байх нь олон байдаг аж. Тиймээс жирэмсэн ээж та одооноос дээрх эмгэг үүсгэх шалтгаануудаас хол байж, эрүүл саруул хүүхэд төрүүлэх нь чухал юм.

Хүүхэд тань диатезтай бол

Нэгэнт таны хүүхэд диатезтай төрсөн бол ээж танаас их зүйл шалтгаална. Хөхүүл эхчүүд чихэр, шоколад, кофе зэргээс татгалзах хэрэгтэй. Ийм харшилтай хүүхдийг өдөр бүр усанд оруулж арьсыг нь дандаа хуурай байлгаарай. Мөн хүүхэд харшил гарсан хэсгийг маажихаас сэргийлж бээлий өмсгөх хэрэгтэй. Хамгийн чухал зүйлийн нэг нь ээж та өөрөө дур мэдэн янз бүрийн тос түрхэх, эм өгөх нь хамгийн хориотой. Ингэснээр харшлыг улам гүнзгийрүүлж хүндрүүлэх эрсдэлтэй тул мэргэжлийн эмчийн заавар зөвлөгөөгөөр хүүхдэдээ тохирсон эмчилгээг нь хийгээрэй.

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд