LOADING

Type to search

Нийгэм Хэн юу хэлэв

Д.Нарангэрэл: Амны хаалт коронавирусээс 85-90 хувь хамгаална

Share

Эрүүл мэндийн яам, ХӨСҮТ болон бусад холбогдох албаныхан COVID-19-ын халдвартай холбоотой үүсээд байгаа нөхцөл байдлын талаар мэдээлэл хийлээ.

ЭМЯ-ны хэлтсийн дарга Д.Нарангэрэл “Дэлхийн 216 улс орон нутаг дэвсгэрт  коронавирусийн өвчлөл бүртгэгдэж, 16.1 сая хүн өвчилж, 650 мянган хүн нас баржээ.

Сүүлийн 24 цагт дэлхий дахинд 200 мянган хүн шинээр COVID-19 халдвар авч, 4000 гаруй хүн эндсэн байна.

Иргэн бүр гурвалсан аргыг баримтлах хэрэгтэй байна. Амны хаалтаа тогтмол зүүн, гараа тогтмол угааж, зай барих арга хэмжээг хүн бүр баримтлах хэрэгтэй байна.

17 оронд хийсэн 173 судалгаагаар амны хаалт коронавирусээс 85-90 хувь хамгаална. Харин нүүрний хаалт 78-80 хувь хамгаална гэсэн судалгааны дүн гарчээ.  Хонконгийн судлаачид дэгдэлтийн эхэн үед бүх нийтээрээ амны хаалт зүүсэн 42 оронд коронавирусийн тархалт, эрч, өвчлөл нас баралт бага түвшинд байсан гэдгийг судалгаагаар баталжээ.  Сүүлийн үеийн судалгаагаар битүү, агааргүй харанхуй орчинд коронавирус маш удаан хугацаанд амьдарч 7-8 метр зайд халдвар тараана гэдгийг судлаачид тогтоосон. Энэхүү битүү газарт баар, цэнгээний газар, хүнсний битүү зах, мал нядалгааны газрууд орж байгаа учраас энд ажиллаж байгаа ажилчдад үйлдвэрийн захиргаа онцгой анхаарч агаарын сэлгэлт хийж эрүүл ахуйн дэглэмийг мөрдөхийг анхааруулжээ.

Манай улсын хувьд өчигдөр 3 хүн ажиглалтад шинээр орж, 209 хүн ажиглах байраас гэрийн тусгаарлалт руу шилжин, одоогийн байдлаар 2351 хүн тусгаарлан ажиглах байранд байна.

Үүргийн онгоцоор ирсэн иргэдээс Цэргийн төв эмнэлэгт 39 хүн эмчлэгдэж байгаагаас эрчимт эмчилгээний тасагт 2 хүний биеийн байдал хүнд байна.

24 цагт 119 дугаарт 114 дуудлага ирж, коронавирусийн халдвараас урьдчилан сэргийлэх, эмнэл зүйн шинж тэмдгийн талаар зөвлөмж, зөвлөгөөг авсан. Гадаадаас холбогддог шуурхай 119 апп-д гадаадаас АНУ-аас 1 иргэн холбогдож зөвлөгөө, мэдээлэл авсан“ гэв.

error: Content is protected !!