Томчууд, хүүхдүүд гэлтгүй бүгд амтархан идэх дуртай шаржигнуур тахиа хийх жорыг хүргэж байна. Тахианы амт нь зөвхөн махаа амтлахаас гадна гадуур нь бүрж буй гурилыг амталдаг учраас илүү өвөрмөц болдог.
Орц
Тахианы цээж мах /ясгүй/ 500 грамм
Улаанбуудайн гурил 130 грамм
Соевый соус 1 халбага /амны том халбага/
Кетчуп 1 халбага /амны том халбага/
Тахианы өндөг 1 ширхэг
Кефир 100 мл
Ургамлын тос 400 мл
Хатаасан орегано 1 халбага /амны жижиг халбага/
Цагаан гаа 1 халбага /амны жижиг халбага/
Хар перец Халбаганы талаар хийнэ /амны жижиг халбага/
Амтат чинжүү Халбагны талаар хийнэ /амны том халбага/
хатаасан сармис 2 халбага /амны жижиг халбага/
Улаан чинжүү 1 халбага /амны жижиг халбага/
Давс 1 халбага /амны жижиг халбага/
Бэлтгэх хугацаа: 45 минут
Порц: 4 хүн идэхээр
Калор: 162 kCal
Хоолоо бэлтгэх арга
-Тахианы махаа 1 см зузаантай туузан маягаар хэрчинэ
-Өндөгөө саванд хийж, соевый соусыг жижиг амны халбагын талаар нэмнэ. Давс, кетчуп, улаан перец 1 амны халбагыг нэмж хийнэ. Сармис, цагаан гаа, кефирээ нэмж, сайтар хутгаснаар тахианы мах амтлах соус бэлэн болно.
-Бэлтгэсэн соусандаа хэрчсэн тахианы махаа хийгээд, хөргөгчинд 30 минут байлгана.
-Улаан буудайн гурилаа саванд хийж, амны жижиг халбагын талаар хар перец хийнэ. Дээрээс нь нэмээд давс, хатаасан орегано, хатаасан сармис, амтат чинжүүгээ хийнэ.
-Ургамлын тосыг хайруулын тавгандаа хийж сайтар халаана.
-Соусанд хийсэн тахианы махаа гуриландаа дүрээд, хоёр тал нь шаргал болтол халуун тосонд 2 минут шарна.
-Бэлэн болсон шаржигнуур тахиагаа өөрсдийн дуртай амтлагчаар амталж, ногоогоор хачир хийнэ амтархан идээрэй.
