Хан-Уул дүүрэгт байрлах Монголын хоёр дахь Эх хүүхдийн эрүүл мэндийн үндэсний төвийн нээлт болж байна.
Энэ үеэр Ерөнхий сайд У.Хүрэлсүх: “Монголын эрүүл мэндийн салбарын түүхэнд шинээр эмнэлэг нээгдэж буй нь сайхан байна. Улсын хувьсгалын 99 жилийн ойн өмнө ард иргэддээ сайхан бэлэг барьж байна гэж бодож байна.
Монгол Улсын хүн ам 30 гаруй жилийн өмнө хоёр сая байсан бол одоо гурван сая гаруй болсон байна.Өнөөдрийг хүртэл түүнтэй Эх нялхастай дүйцэхүйц барилга байгууламж баригдаагүй юм. Тэгвэл өнөөдөр бид монголынхоо эх, үрс, ард түмнийхээ эрүүл мэндэд зориулж энэ сайхан барилгыг барьж, ашиглалтад орууллаа” гэлээ.