No menu items!
HomeЗөвлөгөөЖамц давс үл орлогдох эрдэс бодисуудыг агуулдаг ашигтай

Жамц давс үл орлогдох эрдэс бодисуудыг агуулдаг ашигтай

-

Жамц давсны хэрэглээ, ач холбогдлын талаар Хүнсний технологич Ч.Оюунаас тодрууллаа.

-Жамц давсыг зайлшгүй хэрэглэх ёстой юу?

-Жамц давсыг 400 сая жилийн өмнө үүссэн гэж эрдэмтэд үздэг. Энэ давс нь нэг үгээр хэлбэл, эртний нуруулгийн булан тохойд үлдсэн чулуу гэсэн үг юм. Байгалийн эрдэст чанараараа үл орлогдох эрдэст чанаруудыг агуулж байдаг учраас өдөр тутмын хэрэглээнд зайлшгүй байх ёстой зүйлийн нэг.

Жамц давсны бүтцэд хийсэн судалгаанаас харахад кальци, магни, натри, төмөр, кали, хүхэр зэрэг олон төрлийн эрдэс бодисыг ихээр агуулдаг нь тогтоогдсон байдаг. Магни их байх нь ямар ч төрлийн хоолонд хэрэглэхэд гашууруулдаггүй гэх онцлогтой. Калци их байх нь яс сийрэгжилт болон цусны багадалт өвчнөөс сэргийлэхэд тус болдог бол кали булчин болон зүрхний үйл ажиллагааг, хүхэр нь бие махбодийн эсэргүүцлийг сайжруулах, гадаад орчны цацраг туяанаас хамгаалдаг ач холбогдолтой юм.

Түүнчлэн натри бие махбодийн усны хэрэглээг, төмөр нь цусыг хүчил төрөгчөөр хангаж, иод нь бамбай булчирхай өвчнөөс сэргийлэхэд тус болдог.

-Жамц давсыг ардын анагаах ухаанд их хэрэглэдэг. Үнэхээр эмчилгээний журмаар ашиглаж болох нь тогтоогдсон уу?

-Ардын уламжлалт эмнэлэгт судалгаа, шинжилгээ хийсний үндсэн дээр идээт үрэвсэл анагаах эмийн шинж чанар нь мэдэгдсэн.

Тиймээс жамц давсыг эмчилгээнд их ашиглаж байна. Түүнээс гадна ходоод болон амны хөндийн үрэвсэлтэй хүмүүс долоож, шүд нь өвдсөн хүмүүс зууж, хоолойны өвчтэй болон махтай хүмүүс өдөр бүр жамц давстай усаар хоолойгоо зайлснаар хоолойны мах нь хатах ач холбогдолтой. Мөн даралт ихэссэн үед жамц давсан дээр гишгэвэл даралт буурч, биед нэг талаараа массаж болж өгдөг.

ЖАМЦ ДАВСНЫ АЧ ТУС

Жамц давс нь эртний нууруудын булан тохойд үүсэж тунасан хуримтлалыг чулуун давс буюу жамц давс гэж нэрлэдэг. Жамц давс нь девон галавын үед буюу одоогоос 400 сая жилийн өмнө манай гаригт үүссэн гэж эрдэмтэд тогтоожээ.

Найрлага: Тус давсны найрлагад хүний биед зайлшгүй шаардлагатай кальци, кали, хүхэр, натри, төмөр, иод зэрэг эрдсүүд агуулагдсан байдаг.

Ач холбогдол: Жамц давс нь байгалийн эрдэст чанар, био идэвхт шинж, түүний найрлаган дахь амин хүчлүүдийг хамгийн чухал өөр амин хүчлээр орлуулж болдоггүй учир хүнсний хэрэглээнээс гадна ардын уламжлалт эмчилгээнд хэрэглэдэг. Тухайлбал,

Тархины даралттай хүн дэрлэж унтах

Хоолой болон амнб хөндийн өвчинд уусмалаар нь зайлах болон долоох

Ходоодны өвчинд долоох болон уусмал бэлдэж бага багаар уух

Шүд өвдөхөд зуух

Даралт тогтворгүйтэх үед гишгэж тогтворжуулах гэх мэт олон янзаар хэрэглэдэг бөгөөд эдгээр нь туйлын үр дүнтэй гэдгийг нэмж хэлье.

Жамц давс нь магни багатай учир хоолыг гашуун болгодоггүй, зөөлөн амттай болгодог тул аль ч үндэстний хоолонд хэрэглэхэд тохиромжтой. Жамц давсыг хүнсэнд байнга хэрэглэснээр амны хөндийн болон ходоод доторын өвчнөөс сэргийлэх, хоолны дуршил болон шингэцийг сайжруулдаг ач холбогдолтой.

Т.Энхжаргал
Т.Энхжаргал
Zaag.mn сайтын сэтгүүлч

шинэ мэдээ

ХОМ: Үндэсний эвслийн жагсаалтыг тэргүүлэгч Н.Номтойбаяр ₮1.5 тэрбумын барилга байгууламжтай

Нэр дэвшигчдийн хөрөнгө орлогын мэдүүлгийн хураангуйг АТГ-аас өнөөдөр танилцуулав. УИХ-ын 2024 оны ээлжит сонгуульд хоёр эвсэл байгаагийн нэг нь Үндэсний эвсэл юм. Тус эвслийн жагсаалтаар нэр...

ХОМ: Х.Баттулга 267 сая төгрөгийн орлоготой

УИХ-ын 2024 оны ээлжит сонгуульд нэр дэвшигчдийн хөрөнгө орлогын мэдүүлгийн хураангуйг АТГ-аас танилцуулав. Ерөнхийлөгч асан Х.Баттулга 2024 оны УИХ-ын сонгуулийн 4-р тойрогт нэр дэвшиж буй....

ХОМ: Ерөнхий сайд Л.Оюун-Эрдэнийн жилийн орлого 244 сая төгрөг

АТГ-аас УИХ-ын сонгуульд нэр дэвшигчдийн хөрөнгө орлогын мэдүүлгийг олон нийтэд нээллтэй тавьжээ. Монгол Улсын Ерөнхий сайд, МАН-ын дарга Л.Оюун-Эрдэнэ УИХ-д гурав дахь удаагаа нэр дэвшиж...

ХОМ: Хөрөнгийн хэмжээгээр эхний аравт бичигдэж буй нэр дэвшигчид

Хуулийн дагуу УИХ-ын сонгуульд нэр дэвшигчид хөрөнгө орлогоо АТГ-т мэдүүлдэг. Тус газраас УИХ-ын 2024 оны сонгуульд нэр дэвшигчдийн хөрөнгө орлогыг нийтэд ил болгожээ.Үүнээс хөрөнгийн хэмжээгээр...

трэнд